Keerthy Suresh and Antony Thattil Wedding Goa

पणजी: बाबी जॉनमधून बॉलीवूडमध्ये धमेदार एंट्री घ्यायला तयार असलेली कीर्ती सुरेश लग्नबंधनात अडकली आहे. कीर्तीने गुरुवारी (दि. १२ डिसेंबर) रोजी प्रियकर अँटोनीसह काही जवळच्या लोकांच्या उपस्थितीत सप्तपदी पूर्ण केले. गेल्या अनेक दिवसांपासून कीर्ती सुरेश लग्नगाठ बांधणार याची चर्चा सुरु होती. कीर्तीने स्वतः सोशल मीडियावर लग्नाचे फोटोज शेअर करून चाहत्यांना खुश केलं.

दक्षिणेतील अय्यंगार परंपरेनुसार कीर्तीचा विवाह संपन्न झाला आणि या रीतील अनुसरून कीर्ती हिरव्या रंगाच्या मडीसर साडीत दिसली, तिने केसांची रचना सुद्धा पारंपरिक पद्धतीने केली होती, ज्याला दक्षिणी लोकं अंदल कोंडाई असं म्हणतात. कीर्तीच्या लग्नानंतर अनेक बड्या सेलिब्रिटींनी कीर्ती आणि अँटोनी यांच्यावर शुभेच्छांचा वर्षाव केला.