Keerthy Suresh Wedding: नवरी नटली...! उरले काही तास, कीर्ती - अँटोनी गोव्यात घेणार सात फेरे

Keerthy Suresh and Antony Thattil Wedding in Goa

पणजी: प्रसिद्ध दाक्षिणात्य अभिनेत्री कीर्ती सुरेश आणि तिचा प्रियकर अँटोनी थाटील गुरुवारी (११ डिसेंबर) गोव्यात सात फेरे घेणार आहेत. लग्नाची सर्व तयारी पूर्ण झाली असून, कीर्ती - अँटोनी यांच्यासह त्यांचे नातेवाईक गोव्यात दाखल झाले आहेत. कीर्ती नव्या आयुष्याची सुरुवात करण्यास फार उत्साही असल्याचे तिने Instagram स्टोरीमधून म्हटले आहे.

अभिनेत्री कीर्ती सुरेश आणि अँटोनी थाटील १२ डिसेंबरच्या दिवशी गोव्यात लग्नगाठ बांधणार आहेत. दोघांनी येथे डिस्टिनेशन वेडिंग करण्याचा निर्णय घेतला आहे. गेल्या काही दिवसांपूर्वी कीर्तीने ती गोव्यात लग्न करणार असल्याची माहिती दिली होती.

कीर्ती आणि अँटोनी गेल्या १५ वर्षापासून रिलेशनशिपमध्ये आहेत. याची माहिती देखील कीर्तीने एका Instagram पोस्टमधून दिली होती. अँटोनी दुबईस्थित एक बिझनेसमन म्हणून त्याची कोची येथे देखील फूडचेन असल्याची माहिती समोर आली आहे. एका वृत्तपत्राने दिलेल्या माहितीनुसार, अँटोनी थाटील कोट्यवधी संपत्तीचा मालक आहे.

कीर्ती गेल्या काही दिवसांपासून लग्नाची जोरदार तयारी करत आहे. तिने यापूर्वी देखील गोव्याला भेट देऊन लग्नस्थळी तयारीचा आढावा घेतला होता. काही दिवस आधीच ती गोव्यात दाखल झाली आणि इतर तयारी उरकल्याची बातमी माध्यमांतून समोर आलीय. कीर्तीचे लग्न शाही असले तरी यासाठी काही मोजकेच लोक उपस्थित राहणार आहेत. दोघांच्या लग्नाची लग्नपत्रिका सोशल मिडियावरुन व्हायरल झाली होती.