पणजी: पोलिस अधिकाऱ्यांशी हुज्जत घातल्यामुळे गोव्यात मला अटक झाली असती,  असा अनुभव प्रसिद्ध अभिनेत्री आहाना कुमराने सांगितला आहे. आहाना अलिकडेच मोठी सुट्टी घेऊन गोव्यात फिरण्यासाठी आली होती, त्यावेळी तिने हा अनुभव सांगितला. एका मित्राचा वाढदिवस साजरा करण्यासाठी गोव्यात आल्यानंतर हा प्रकार घडल्याचे तिने सांगितले.

आहानाने नुकतेच गोव्यात मोठी सुट्टी घालवली, आसगाव येथील एका व्हिलात तिने मित्रांसोबत सुट्टीचा आनंद घेतला. यावेळी तिने गोव्यातील जुन्या आठवणींना उजाळा दिला. गोव्यात एका मित्राचा वाढदिवस साजरा करण्यासाठी आले असता पोलिस अधिकाऱ्यांशी वाद झाला, यातून त्याच्याशी हुज्जत घातल्याचे आहाना सांगते. यामुळे रागवलेल्या पोलिस अधिकाऱ्यांने मला जवळपास अटक केली होती, असे तिने सांगितले.

दरम्यान, यावेळी मित्रांनी आहानाला पोलिस अधिकाऱ्याची माफी मागण्यास सांगितले. आहानाने माफी मागितल्यानंतर अधिकाऱ्याने देखील माफ केले आणि वाद मिटला, असा अनुभव आहानाने सांगितला. पण, कोणत्या कारणासाठी हा वाद झाला होता? याबाबत स्पष्टपणे आठवत नसल्याचे आहाना म्हणाली. गोव्याचा विषय येतो त्यावेळी माझे मित्र माझ्याकडे बघून हासायला लागतात, असेही आहाना सांगते.

“गोव्यात मला फिरायला नेहमीच आवडते, पावसाळ्यात फिरण्याचा ऋतू सर्वात उत्तम असतो. पावसाळ्यात येथील निसर्गरम्य वातावरण, मोकळे रस्ते, कॅफे आणि समुद्रकिनारे फार आवडतात. येथील खाद्यपदार्थांच्या मी प्रेमात आहे,” असे आहाना म्हणाली.

आहाना अलिकेडच गोव्यात मोठी सुट्टी घालवली, गोव्यातील सुट्टीचे फोटो तिने सोशल मिडियावरुन शेअर केले आहेत. या फोटोंना तिच्या चाहत्यांनी मोठ्या संख्येने लाईक केले आहे.

गोव्यात फिरण्यासाठी नेहमीच आवडते असे आहाना सांगते. पावसाळ्यात येथील हिरवागार निसर्ग भूरळ घालतो. सकाळी येथील रस्त्यावरुन धावण्याचा आनंद वेगळाचा आहे असेही ती सांगते.