Pune Crime: रंगकाम करताना घरमालकाला लावला चुना; पुण्यात 4 लाखांची चोरी करणाऱ्या प्रमोदला गोव्यात अटक

पणजी: पुणे येथे घराचे रंगकाम करताना घरातील बेडरूममधून ४ लाख रुपयांची दोन सोन्याची कडी चोरून फरार झालेल्या संशयिताला म्हापसा येथे अटक करण्यात आली आहे.

उत्तर गोवा पोलिस अधीक्षक राहुल गुप्ता यांच्या मार्गदर्शनाखाली संशयिताला अटक करून चार लाख रुपये किमतीचे सोन्याचे दागिने हस्तगत केले. पोलिसांनी दिलेल्या माहितीनुसार, २८ जुलै २०२५ रोजी पुणे शहर पोलिस ठाण्यात प्रमोद शिंदे (कोथरूड, पुणे) याच्याविरोधात गुन्हा नोंदविण्यात आला होता.

शिंदेने तक्रारदाराच्या घराचे रंगकाम करताना बेडरूममधून दोन सोन्याची कडी चोरून नेल्याची तक्रार होती. या गुन्ह्यानंतर तो फरार झाला होता. याबाबत पुण्यातून गोव्यात पोलिसांना अलर्ट केल्यानंतर तो म्हापसा पोलिस ठाण्याच्या हद्दीत लपल्याची माहिती पोलिसांना मिळाली.

ही माहिती मिळताच पोलीस अधीक्षक राहुल गुप्ता यांनी म्हापसा पोलिसांना तातडीने कारवाईचे आदेश दिले. पोलिसांनी जलद कारवाई करत संशयित प्रमोद शिंदेला अटक केली