गोव्यातील विधानसभा निवडणुकीपूर्वी (Goa Assembly Election) काँग्रेसला एकापाठोपाठ एक धक्के बसत आहेत. आता प्रदेश काँग्रेस (Congress) कमिटीच्या प्रवक्त्या राखी प्रभुदेसाई नाईक (Rakhi Prabhudessai Naik) यांनी आपल्या पदाचा राजीनामा दिला आहे. त्यांनी बुधवारी पक्ष सोडला आणि तृणमूल काँग्रेसमध्ये प्रवेश केला. राखी प्रभुदेसाई यांनी गोवा काँग्रेसचे प्रदेशाध्यक्ष गिरीश चोडणकर (Girish Chodanakr)यांच्याकडे राजीनामा सुपूर्द केला. यानंतर, त्यांनी ट्विट केले आणि लिहिले की, जड अंतःकरणाने खूप विचारविनिमय केल्यानंतर, त्यांनी काँग्रेससोबतची त्यांची छोटी पण अर्थपूर्ण खेळी संपवण्याचा निर्णय घेतला आहे. काँग्रेसच्या दिशाहीन नेतृत्वावर त्यांनी हा राजीनामा देवून ठपका ठेवला आहे.

केंद्रीय नेतृत्वाविरोधात स्थानिक नेतृत्व काम करत आहे

राखी प्रभुदेसाई म्हणाल्या की, "गोव्यातील काँग्रेसचे स्थानिक कार्यकर्ते केंद्रीय नेतृत्वाच्या विरोधात काम करत आहेत. येथे स्थानिक नेतृत्व पूर्णपणे गोंधळलेले आहे. गोव्यात भाजपला तृणमूल काँग्रेस हा एकमेव पर्याय आहे." राखी यांनी दोन महिन्यांपूर्वी शिवसेना सोडून काँग्रेसमध्ये प्रवेश केला होता.