Narkasur Online Sale in Goa

कुंडई: गोव्यात नरकासुर दहनाची परंपरा फार वर्षांपासून सुरु आहे. नरकचतुर्दशीच्या दिवशी पहाटे गोव्यात नरकासुराचं दहन केलं जातं. साधारण महिना दोन महिन्यांच्या तयारीनंतर नरकासुर तयार होतो. दिवाळीच्या काळात घराघरांमध्ये आणि रस्त्यांवर नरकासुर पाहायला मिळतात. गोव्यात वर्षानुवर्ष नरकासुराचं रूप बदलत जातंय आणि यंदाच्या वर्षी फोंडा तालुक्यातील कुंडई या गावात सुदय नाईक नावाच्या एका तरुणाने नरकासूरांची ऑनलाईन विक्री सुरु केलीये.

सुदय सांगतो की दरवर्षी घरी बनवला जाणारा नरकासुर यंदा त्यांनी विक्रीसाठी बाजारात आणलाय. साधारण तीन फुटांचा हा नरकासुर तो अडीज ते तीन हजार रुपयांना विकतोय. आत्तापर्यंत त्याने पाच नरकासुर बनवले होते ज्यांपैकी दोन नरकासुर विकले गेलेत. यामधील रंजक बाब म्हणजे हे दोन्ही नरकासुर त्यांने ऑनलाईन विकले आहेत.

नरकासुराशिवाय त्याने काही मुखवटे देखील बनवले असल्याचं सुदय सांगतो आणि आत्तापर्यंत तीन पैकी केवळ एकाच मुखवटा विक्रीसाठी बाकी आहे. नरकासुर बनवण्यासाठी एक महिन्याची मेहनत घ्यावी लागते आणि त्यामधून असा व्यवसाय केल्यास भरपूर फायदा होतो असं सुदाय नाईक म्हणाला.

गोव्यात असाल तर दिवाळीच्या लगबगितला नरकासुर दहनाचा भाग स्किप करू नका. गोव्याशिवाय बाकी कुठेच असा आगळावेगळा प्रकार पाहता येणार नाही, त्यामुळे खरोखर नवीन काहीतरी अनुभवयचं असेल तर या दिवाळीत गोव्याला नक्की भेट द्या..