Russia Ukraine War: रशिया आणि युक्रेनमध्ये जवळपास 300 दिवसांपासून युद्ध सुरू आहे. ख्रिसमस काळातही रशियाने युक्रेनवर एकूण 100 हून अधिक क्षेपणास्त्रे डागली. युक्रेनच्या सैनिकही रशियाला चोख प्रत्युत्तर देत आहेत. त्यातच सोशल मीडियावर एक व्हिडिओ व्हायरल झाला आहे. या व्हिडिओमध्ये सांताक्लॉजच्या वेशभूषेत युक्रेनच्या सैनिकाने रशियावर क्षेपणास्त्रे डागली.

हा व्हिडिओ युक्रेनच्या लष्कराने आपल्या इंस्टाग्राम पेजवर पोस्ट केला आहे. युक्रेनच्या या फायटर पायलटने MIG-29 ने हल्ला केल्याचे या व्हिडिओच्या कॅप्शनमध्ये लिहिले आहे. या पायलटने अमेरिकन मिसाईल AGM-88 HARM ने रशियावर हल्ला केला आहे. हा व्हिडिओ सोशल मीडियावर 2 लाखांहून अधिक वेळा पाहिला गेला आहे. लाखो लोकांनी हा व्हिडिओ पाहिला आहे.

हा व्हिडिओ पाहिल्यानंतर युजर्स विविध प्रकारे प्रतिक्रिया देत आहेत. एका यूजरने लिहिले की, या सांतासमोर कोणीही टिकू शकत नाही. अनेक युजर्स या युद्धाच्या समाप्तीसाठी शुभेच्छा देतानाही दिसले. नवीन वर्षाच्या दुसऱ्या दिवशी रशियाने युक्रेनवर ड्रोनने हल्ला करण्यास सुरुवात केली. रशियन सैनिकांनी कीव शहराला लक्ष्य केले आहे.

दरम्यान, नवीन वर्षाच्या सुरवातीला युक्रेनचे अध्यक्ष झेलेन्स्की आणि रशियाचे अध्यक्ष व्लादिमीर पुतिन यांच्यात शाब्दिक युद्ध सुरू आहे. नववर्षाच्या निमित्तानेही दोन्ही देशांनी एकमेकांना चोख प्रत्युत्तर दिले आहे. रशियाच्या हल्ल्यामुळे कीव शहरात विजेचा प्रश्न निर्माण झाला आहे. शहरातील अनेक भागात वीजपुरवठा बंद आहे.