The temple of Hinglaj Mata, which is on the list of UNESCO heritage sites, was demolished following a Pakistani court order:

सिंधमधील हिंगलाज मातेचे मंदिर पाडण्यात आल्याने पाकिस्तानातील हिंदूं नागरिक कोण्यत्या स्थितीती असतील याचा अंदाज येतो. न्यायालयाच्या आदेशानंतर हिंदू मंदिर पाडण्याची कारवाई करण्यात आली.

यावेळी तेथे उपस्थित हिंदू नागरिकांनी जोरदार घोषणाबाजी करत मंदिर पाडल्याचा तीव्र निषेध केला.

पाकिस्तानात यापूर्वीही गैर-मुस्लिमांविरोधात अशा प्रकारच्या मोहिमा होत आहेत. त्याचबरोबर हिंदू आणि शीख समाजाच्या धार्मिक स्थळांवर होणाऱ्या हल्ल्यांच्या घटनांवर पाकिस्तान सरकारकडून कोणतेही ठोस निर्णय घेतले जात नाहीत. सरकार मूक प्रेक्षक राहिले आहे. यामुळे हिंदूंच्या तसेच शीख धर्माच्या लोकांच्या भावना सतत दुखावल्या जातात.

ताज्या प्रकरणात पाकिस्तानमध्ये पुन्हा एकदा मानवाधिकार उल्लंघनाचे प्रकरण समोर आले आहे. पाकिस्तानमधील अधिकाऱ्यांनी एका हिंदू मंदिराला लक्ष्य केल्याची माहिती आहे.

याअंतर्गत न्यायालयाच्या आदेशानंतर सिंध प्रांतातील हिंगलाज माता मंदिर पाडण्याची कारवाई करण्यात आली आहे.

मिठी शहरातील मंदिर पाडण्याच्या न्यायालयाच्या आदेशाचा हवाला देत थारपारकर जिल्हा अधिकार्‍यांनी सांगितले. मिठी शहर हे पाकिस्तानातील हिंदूबहुल क्षेत्र आहे. येथे मोठ्या संख्येने हिंदू समाजाचे लोक राहतात. हिंदूबहुल मिठी शहर पाहण्यासाठी संपूर्ण पाकिस्तानातून लोक येतात.

पाकिस्तानचा माजी क्रिकेटपटू दानिश कनेरियाने ट्विट करून या प्रकरणाची माहिती दिली आहे. अतिक्रमणाचे कारण देत थारपारकरच्या मिठीमध्ये 'हिंगलग माता मंदिर' पाडण्यात आल्याचे त्याने सांगितले आहे.

दानिश कनेरियाने ट्विटमध्ये लिहिले की, “पाकिस्तानी अधिकाऱ्यांकडून हिंदू धार्मिक स्थळांवर कारवाई सुरूच आहे. मिठी, थारपारकर, पाकिस्तानमधील हिंगलाज माता मंदिर मीरपूरखासच्या अतिक्रमण विरोधी न्यायालयाच्या आदेशानंतर पाडण्यात आले आहे.

सीएनएन न्यूजच्या वृत्तानुसार, एलओसी म्हणजेच नियंत्रण रेषेजवळ हिंदूंचे आणखी एक धार्मिक स्थळ शारदा पीठ मंदिर पाडण्यात आले.

सर्वोच्च न्यायालयाच्या संरक्षण आदेशानंतरही हे मंदिर पाडण्यात आले. मंदिराजवळ एक कॉफी हाऊस बांधले जात असून, त्याचे उद्घाटन यावर्षी होणार आहे.

पाकिस्तानात हिंदूंवर होणारे अत्याचार ही काही नवीन घटना नाही. येथे राहणाऱ्या हिंदूंना सतत आव्हानांचा सामना करावा लागतो.