रशिया आणि युक्रेन यांच्यात मागील दीड महिन्यांपासून युध्द सुरु आहे. याच पाश्वभूमीवर रशियाकडून तेल खरेदी (Oil Purchase) करण्याबाबत जर्मनी भारताला ‘सल्ला’ देऊ इच्छित नाही. दिल्लीस्थित जर्मनीचे राजदूत वॉल्टर जे लिंडनर (Walter J Lindner) यांनी सोमवारी माध्यमाशी बोलताना ही माहिती दिली आहे. (The German ambassador said would not advise India on buying oil from Russia)

लिंडनर म्हणाले की, ''जो कोणी रशियाचे (Russia) अध्यक्ष व्लादिमीर पुतीन (Vladimir Putin) यांच्यापर्यंत पोहोचू शकतो, तो युक्रेनमधील युद्ध संपवण्यास मदत करु शकतो. युरोपमधील अनेक देश रशियाच्या तेल आणि कोळशावर अवलंबून आहेत, हे कोणीच नाकारु शकत नाही. पुतीन एके दिवशी शेजारच्या देशावर हल्ला करतील हे आम्हाला माहीत नव्हते. आम्ही आधीच रशियाकडून होणारी आयात अनेक पटींनी कमी केली आहे. आम्हाला या वर्षाच्या अखेरपर्यंत रशियन तेलावरील अवलंबित्व कमी करायचे आहे.''

त्याच वेळी, रशियापासून दूर राहण्याच्या दबावाकडे दुर्लक्ष करत, अर्थमंत्री निर्मला सीतारामन (Finance Minister Nirmala Sitharaman) यांनी शुक्रवारी सांगितले की, ''राष्ट्र हितासाठी आम्ही स्वस्त रशियन तेल खरेदी करत आहोत. भारतासाठी ऊर्जा सुरक्षा प्रथम आहे.''

तसेच, CNBC-TV18 वाहिनीला दिलेल्या मुलाखतीत त्यांनी म्हटले होते की, "आम्ही तेल खरेदी सुरु केली आहे. आम्हाला अनेक बॅरल मिळाले आहेत. मला वाटते की, सुमारे तीन-चार दिवसांचा पुरवठा होईल आणि तो पुढे सुरुच राहील."

दुसरीकडे, केंद्रीय तेल मंत्री हरदीप सिंग पुरी (Union Minister Hardeep Singh Puri) म्हणाले, ''युक्रेन (Ukraine) युद्ध सुरु झाल्यानंतर पाश्चिमात्य देशांच्या निर्बंधांचा सामना करणाऱ्या भारतातील सरकारी तेल कंपन्या रशियन तेल खरेदी करत आहेत. भारताने पुढील तीन ते चार महिन्यांसाठी तेल वितरण करारावर घेण्याची व्यवस्था केली आहे. रशिया भारताला पूर्वीपेक्षा कमी दराने तेल विकत असून प्रति बॅरल सुमारे $35 ची सूट दिली जात आहे.''