Ukraine Crisis: रशियाच्या आक्रमणाला एक महिना पूर्ण होत असताना, युक्रेनचे अध्यक्ष वोलोडिमिर झेलेन्स्की (Volodymyr Zelenskyy) यांनी नाटो देशांना आपल्या देशाला लष्करी मदत देण्याचे आवाहन केले आहे. गुरुवारी व्होलोडिमिर झेलेन्स्की यांनी एका व्हिडिओच्या माध्यमातून नाटोच्या प्रतिनिधींना आवाहन केले की, "युक्रेनियन लोकांना आणि शहरांना वाचवण्यासाठी युक्रेनला (Ukraine) कोणत्याही व्यत्ययाशिवाय लष्करी मदतीची आवश्यकता आहे. ज्याप्रमाणे रशिया (Russia) युक्रेनविरुद्ध आपली सर्व शस्त्रे कोणत्याही व्यत्ययाशिवाय वापरत आहे." (Russia's use of Phosphorus Bombs in the Ukraine war Volodymyr Zelenskyy accusation)
दरम्यान, झेलेन्स्की यांनी संरक्षणात्मक उपकरणे पुरवल्याबद्दल वेस्टर्न मिलिटरी कोलिशनचे आभार मानले, परंतु हल्ल्यासाठी आवश्यक असलेल्या शस्त्रास्त्रांचीही मागणी त्यांनी केली आहे.
ते पुढे म्हणाले, "तुम्ही आम्हाला तुमच्या विमानांपैकी एक टक्का द्या. तुमच्या रणगाड्यांपैकी एक टक्का द्या. फक्त एक टक्का. झेलेन्स्कीने रशियावर फॉस्फरस बॉम्बचा वापर केल्याचा आरोपही केला आहे.
झेलेन्स्की पुढे म्हणाले, "आज सकाळी मात्र रशियाकडून फॉस्फरस बॉम्बचा वापर करण्यात आला. पुन्हा एकदा वृध्द व्यक्तींना मारण्यात आले. त्याचबरोबर पुन्हा एकदा लहान मुलांना निशाणा करण्यात आला."
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
