Russia's Moon Mission Luna 25: आज सकाळीच रशियाच्या रोस्कोस्मोस या अंतराळ एजन्सीने लुना-25 या यानाचे यशस्वी प्रक्षेपण करण्यात आले आहे. गेल्या 47 वर्षात रशियाचे चंद्रावरील हे पहिलेच यान आहे.

महत्वाचे म्हणजे भारताचे चंद्रयान 3 चंद्राच्या ज्या दक्षिण भागात उतरणार आहे त्याच भागात हे रशियाचे लुना- 25 हे यान उतरणार असल्यानं दोन्ही यानांची तुलना केली जात आहे.चला तर जाणून घेऊयात चंद्रयान 3 आणि लुना-25 यामध्ये काय फरक आहे.

भारताचे चांद्रयान 3 हे दोन आठवडे चंद्रावर प्रयोग करण्यासाठी डिझाईन केलं आहे. तर, लूना-25 हे वर्षभर चंद्रावर असणार आहे. चंद्रावरील पाण्याचं अस्तित्व तपासण्यासाठी लुना चंद्राच्या पृष्ठभागाचे 6 इंच खोलपर्यंत नमूने गोळा करणार असून चंद्रावरील मातीची संरचना आणि धुळीचे देखील रशियाचे हे यान परिक्षण करणार आहे.

तर भारताचे ध्येय चंद्रयान 3 च्या रोव्हरचे चंद्राच्या पृष्ठभागावर सॉफ्ट लँडिग करणे हे असून वैज्ञानिक प्रयोग करण्यासाठी चंद्राची भूमी योग्य असेल की नाही याचा अभ्यास करणार आहे.

रशियाचे हे लूना-25 यान 21 किंवा 22 ऑगस्टला चंद्रावर उतरण्याची शक्यता असून भारताचे चंद्रयान 3 हे 23 ऑगस्ट ला चंद्रावर उतरण्याची शक्यता आहे. असे असले तरीही चंद्रावर रोव्हर उतरवणारा भारत हा पहिलाच देश ठरणार आहे. त्यामुळे चंद्रयान 2 च्या अपयशानंतर आता वैज्ञानिकांनी अथक प्रयत्न केला असून चंद्रावर रोव्हरचे सॉफ्ट लँडिंग होण्याची अपेक्षा केली जात आहे.