युक्रेनसोबत सुरु असलेल्या युद्धात रशियाने शुक्रवारी पहिल्यांदाच युक्रेनवर अत्याधुनिक किन्झेल हायपरसॉनिक क्षेपणास्त्रांनी (Missiles) हल्ला केला आहे. रशियाच्या संरक्षण मंत्रालयाने म्हटले आहे की, 'रशियन लष्कराने या क्षेपणास्त्राचा वापर पश्चिम युक्रेनमधील (Ukraine) शस्त्रसाठा नष्ट करण्यासाठी केला आहे.' (Russia launches sophisticated kinzhal hypersonic missile at Ukraine)

दरम्यान, रशियाने (Russia) यापूर्वी कधीही युक्रेनसोबतच्या युद्धात हायपरसॉनिक शस्त्रे वापरल्याचे कबूल केलेले नाही. रशियन न्यूज एजन्सी आरआयए नोवोस्तीने सांगितले की, 'पश्चिम युक्रेनमधील संघर्षादरम्यान किन्झेल हायपरसोनिक शस्त्रांचा हा पहिला वापर होता.' रशियाने शुक्रवारी युक्रेनमध्ये आपल्या नवीन किन्झेल हायपरसॉनिक क्षेपणास्त्रांचा वापर देशाच्या पश्चिमेकडील शस्त्र साठा नष्ट करण्यासाठी केला असल्याचे रशियन संरक्षण मंत्रालयाने सांगितले आहे.

यापूर्वी रशियाने युद्धात हायपरसॉनिक शस्रे वापरत असल्याचे मान्य केले नव्हते. RIA नोवोस्ती या वृत्तसंस्थेने सांगितले की, पश्चिम युक्रेनमधील संघर्षादरम्यान किन्झेल हायपरसोनिक शस्त्रांचा हा पहिला वापर होता. "हायपरसॉनिक एरोबॅलिस्टिक क्षेपणास्त्रांसह किन्झेल एव्हिएशन क्षेपणास्त्र प्रणालीने इव्हानो-फ्रँकिव्हस्क प्रदेशातील डेलियाटिन गावातील दारुगोळा असलेले एक मोठे भूमिगत गोदाम नष्ट केले," अशी माहिती रशियन संरक्षण मंत्रालयाने शनिवारी दिली.

दुसरीकडे मात्र रशियन संरक्षण मंत्रालयाच्या प्रवक्त्याने यावर भाष्य करण्यास नकार दिला. रशियाचे राष्ट्राध्यक्ष व्लादिमीर पुतिन यांनी किन्झेल (Dagger) क्षेपणास्त्राचा उल्लेख "एक आदर्श शस्त्र" असे केला आहे. जे आवाजाच्या 10 पट वेगाने उडते. किन्झेल क्षेपणास्त्र हे 2018 मध्ये लॉन्च करण्यात आलेल्या अत्याधुनिक शस्त्रांपैकी एक आहे. कार्पेथियन पर्वताच्या पायथ्याशी असलेले डेलियाटिन हे गाव इव्हानो-फ्रँकिव्हस्क शहराच्या बाहेर आहे.