Russia-Ukraine War : युक्रेनचे राष्ट्राध्यक्ष वोलोडिमिर झेलेन्स्की यांनी रशियाविरोधात आंतरराष्ट्रीय न्यायालयात धाव घेत हे युद्ध थांबवावे, तसेच रशियाने युद्धाच्या निमित्ताने निष्पाप नागरिकांचा नरसंहार केल्याचा आरोप केला होता. तसेच युक्रेनमध्ये रशियाला लष्करी कारवाई (Military) आणि शिक्षा थांबवण्याचे आदेश आंतरराष्ट्रीय न्यायालयाने द्यावेत अशी मागणी केली आहे. त्या मागणीला यश आल्याचे दिसत असून संयुक्त राष्ट्रांच्या आंतरराष्ट्रीय न्यायालयाने (ICJ) रशियाला युक्रेनवरील आक्रमण थांबवण्याचे आदेश दिले आहेत. (ICJ ordered Russia to immediately suspend the invasion of Ukraine)
रशिया-युक्रेन युद्धाचा आजचा 21 दिवस असून हे युद्ध थांबावे म्हणून अनेक देशांनी प्रयत्न केले आहेत. तर रशिय आणि युक्रेन (Ukraine) मध्ये शांततेसाठी बैठका ही सुरू आहेत. याच दरम्यान युक्रेनचे राष्ट्राध्यक्ष वोलोडिमिर झेलेन्स्की यांनी रशियाविरोधात आंतरराष्ट्रीय न्यायालयात धाव घेतली होती. त्यावर न्यायालयात मतदान घेत 13-2 मतांनी निर्णय दिला. तसेच न्यायालयाने म्हटले की, रशियाने 24 फेब्रुवारी 2022 रोजी युक्रेनच्या भूभागावर सुरू केलेल्या लष्करी कारवाई ताबडतोब स्थगित करा. मात्र यावेळी केवळ रशियन (Russia) आणि चीनच्या (china) न्यायाधीशांनी या आदेशाच्या विरोधात मतदान केले.
दरम्यान आंतरराष्ट्रीय न्यायालयाने हा आदेश दिल्यानंतर युक्रेनचे राष्ट्राध्यक्ष वोलोडिमिर झेलेन्स्की यांनी न्यायालयाच्या (ICJ) या आदेशाचे स्वागत केले आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
