QS Quacquarelli Symonds World University Ranking: नवीन जागतिक विद्यापीठ क्रमवारीत केंब्रिज विद्यापीठ दुसऱ्या स्थानावर पोहोचले आहे. या क्रमवारीतील शीर्ष 10 संस्थांबद्दल बोलायचे झाल्यास, यामध्ये यूकेची चार विद्यापीठे आहेत. त्याचवेळी जगप्रसिद्ध ऑक्सफर्ड विद्यापीठाबद्दल बोलायचे झाल्यास ते दोन स्थानांनी घसरुन चौथ्या स्थानावर आले आहे. (Qs Quacquarelli Symonds World University Ranking 2023 Cambridge University Oxford University)

MIT क्रमांक-1 वर आहे

'डेली मेल'च्या रिपोर्टनुसार, जर आपण अमेरिकेच्या (America) मॅसॅच्युसेट्स इन्स्टिट्यूट ऑफ टेक्नॉलॉजी (MIT) बद्दल बोललो तर गेल्या 11 वर्षांपासून त्याने आपला दबदबा कायम ठेवला आहे. हे विद्यापीठ क्रमवारीत पहिल्या स्थानावर आहे. अमेरिकेचे स्टॅनफोर्ड विद्यापीठ तिसरे तर हार्वर्ड विद्यापीठ (Harvard University) पाचव्या स्थानावर आहे.

या आधारावर मिळालेले गुण

केंब्रिज आणि ऑक्सफर्ड या विद्यापीठांनी (University) शैक्षणिक, पदवीधर गुणवत्ता आणि अध्यापन क्षमतेसाठी गुण मिळाले आहेत. इम्पीरियल कॉलेज लंडन 2023 मध्ये सातव्या वरुन सहाव्या स्थानावर पोहोचले आहे. तर, युनिव्हर्सिटी कॉलेज लंडन 2022 पर्यंत आठव्या स्थानावर आहे. 90 ब्रिटीश विद्यापीठांपैकी 10 विद्यापीठांनी गेल्या वर्षीपासून त्यांची स्थिती सुधारली आहे. त्याच वेळी, 48 विद्यापीठांच्या क्रमवारीत घसरण झाली. तर 32 त्यांच्या जागी कायम आहेत.