चीनमधील झियान शहरात सुरू असलेल्या लॉकडाऊन दरम्यान एका महिलेचा गर्भपातामुळे आणि हृदयविकाराच्या झटक्याने एका पुरुषाचा मृत्यू झाला. या घटनांनंतर चीनी सरकारमधील एका अधिकाऱ्याने एक आदेश जारी केला आहे. यामध्ये नमूद केले आहे की, सर्व रुग्णालयांना रुग्णांवर उपचार करणे अनिवार्य आहे. (People suffering in China owing to COVID-19 Lockdown)

9 डिसेंबरपासून, झियानमध्ये 1800 हून अधिक लोकांना कोरोनाची (Coronavirus) लागण झाली आहे. परिणामी रुग्णालयात दाखल होण्यासाठी कोरोना चाचणी अनिवार्य करण्यात आली आहे. उपचारासाठी थडपडणाऱ्या महिला व पुरुषाकडे कोरोना चाचणी केलेली नव्हती. त्यांना सर्व रुग्णालयांनी प्रवेश नाकारला. चीनचे (China) उप-प्रीमियर सन चुनलान यांनी सांगितले की, झालेल्या घटनांमुळे मला खूप दुःख झाले. चीनमधील अनेक भागांमध्ये लॉकडाऊन (Lockdown) व निर्बंध लावण्यात आले आहेत. यामुळे तेथील नागरिकांना अनेक समस्यांना सामोरे जावे लागत आहे.