Cheat In Relationship: आई-मुलीचं नातं हे सर्वात खास मानलं जातं. मात्र या मुलीची कहाणी ऐकल्यानंतर तुम्हाला तिच्या आईचा राग आल्याशिवाय राहणार नाही. या मुलीने सोशल मीडियावर एक व्हिडीओ शेअर करुन आपली कहाणी सांगितली आहे. आता हा व्हिडीओ सोशल मीडियावर खूप चर्चेत आहे. मुलीने हा आपल्यासोबत झालेला सर्वात मोठा विश्वासघात असल्याचे म्हटले आहे.

आईने सत्य सांगितले

अमेरिकेत (America) राहणाऱ्या व्हेनेसाने सांगितले की, 'सुट्टीसाठी मी मेक्सिकोला गेले होते. त्यावेळी माझा प्रियकर आणि आई दोघेही घरीच होते.' व्हेनेसाने पुढे सांगितले की, 'जेव्हा मी मेक्सिकोहून आईला कॉल केला तेव्हा ती कॉलवरच रडू लागली.' काही दिवसांनी फोनवरच मुलीच्या (Girl) आईने धक्कादायक खुलासा केला.

आई प्रेग्नेंट राहीली

जेव्हा आईने तिच्या गरोदरपणाची बातमी मुलीला सांगितली, तेव्हा व्हेनेसाने बहीण होणार म्हणून आनंदाने उडी मारली. परंतु व्हेनेसाचा आनंद काही क्षणांसाठीचाच होता. यानंतर आईने सांगितले की, मी ज्या मुलाला जन्म देणार आहे, तो मुलगा तुझ्या प्रियकराचा आहे. हे ऐकून व्हेनेसाला मोठा धक्का बसला. व्हेनेसाला खूप राग आला. तिने लगेचच आई आणि प्रियकराला ब्लॉक केले. यानंतर व्हेनेसाने ट्रिप सोडून तात्काळ घरी परतण्याचा निर्णय घेतला. आता व्हेनेसा घर सोडून दुसऱ्या ठिकाणी राहू लागली आहे.

वेदनादायक कहाणी

या मुलीची वेदनादायक कहाणी सोशल मीडियावर (Social Media) चांगलीच व्हायरल होत आहे. यूजर्स प्रियकर आणि मुलीच्या आईचा तिरस्कार करु लागले आहेत. एवढं करुनही प्रियकराने व्हेनेसाला समजवण्याचा प्रयत्न केला, पण व्हेनेसाने तिच्या आई आणि प्रियकराला माफ केले नाही.