Canada Hate Crime: ओंटारियो येथील एका मशिदीत द्वेषाने प्रेरित केलेल्या घटनेच्या संदर्भात एका 28 वर्षीय तरुणाला कॅनडा पोलिसांनी अटक केली आहे.
अटक करण्यात आलेल्या तरुणावर लोकांना धमकावणे आणि धार्मिक लोकांचा अपमान केल्याचा आरोप आहे. शरण करुणाकरनने पहिल्यांदा एका व्यक्तीवर वाहन चालवले, नंतर धमकावले आणि धार्मिक अपशब्दांचा वापर केला.
त्याने पार्किंगमध्ये धोकादायकपणे गाडी चालवल्याचे प्रत्यक्षदर्शींनी पोलिसांना सांगितले. संशयिताची ओळख पटली आणि त्याला शोधण्याचे प्रयत्न सुरु असताना त्याच्या अटकेसाठी वॉरंट जारी करण्यात आले.
मध्यरात्रीनंतर, 7 एप्रिल रोजी, यॉर्क प्रादेशिक पोलिसांनी (Police) इंटेलिजन्स युनिट आणि हेट क्राइम युनिटच्या मदतीने टोरंटोमध्ये संशयितास अटक केली.
मंत्री अहमद हुसैन यांनी सांगितले की, मला खूप दुःख झाले आहे. ते पुढे म्हणाले की, 'मला रमजानच्या पवित्र महिन्यात 6 एप्रिल रोजी मारखमच्या इस्लामिक सोसायटीच्या बाहेर द्वेषाने प्रेरित झालेल्या हल्ल्याने खूप दुःख झाले आहे.
इस्लामोफोबियाने प्रेरित होणार्‍या हल्ल्यांचे प्रमाण अतिशय चिंताजनक असून आपण त्याविरुद्ध उभे राहिले पाहिजे. आम्ही द्वेषाला जिंकू देणार नाही.'
कॅनडाच्या (Canada) व्यापार मंत्री मेरी एनजी यांनी या घटनेचा निषेध करत म्हटले की, कॅनडाच्या समाजात द्वेषाला स्थान नाही.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.