India ranks third among illegal immigrants in US, sharp rise in border crossings on foot:

अमेरिकेत अवैध भारतीय स्थलांतरितांच्या संख्येत प्रचंड वाढ नोंदवली जात आहे. अमेरिकेत जाणाऱ्या बेकायदेशीर स्थलांतरितांना कायदेशीर मार्गाने जाण्यासाठी व्हिसासाठी अर्ज करणाऱ्या लोकांच्या अडचणी वाढत आहेत.

दरम्यान, अमेरिकेत अवैध भारतीयांची घुसखोरी झाल्याचा धक्कादायक खुलासा लेक प्यू रिसर्च सेंटरने केला आहे. अहवालानुसार, अमेरिकेतील अवैध स्थलांतरितांमध्ये तिसऱ्या क्रमांकावर भारतीय स्थलांतरित आहेत.

सध्या अमेरिकेतील विविध राज्यांमध्ये सुमारे 7,25,000 भारतीय अवैधरित्या राहत आहेत. त्याचबरोबर भारतानंतर ग्वाटेमालाच्या नागरिकांनी अमेरिकेत अवैध आश्रय घेतला आहे.

यूएस कस्टम्स आणि बॉर्डर प्रोटेक्शनच्या आकडेवारीनुसार पायी सीमा ओलांडणाऱ्या भारतीयांच्या संख्येत पाचपट वाढ झाली आहे.

कोविड निर्बंध उठवल्यानंतर अमेरिकेत कागदोपत्री नसलेल्या भारतीयांची संख्या झपाट्याने वाढत आहे. ऑक्टोबर 2022 ते सप्टेंबर 2023 या कालावधीत 96,917 भारतीय बेकायदेशीरपणे अमेरिकेत प्रवेश करताना पकडले गेले.

अमेरिकेतील कॅलिफोर्निया, टेक्सास, फ्लोरिडा, न्यूयॉर्क, न्यू जर्सी आणि इलिनॉय या राज्यांत सर्वाधिक अनधिकृत स्थलांतरितांची उपस्थितीती आहे.

दुसरीकडे फ्लोरिडा आणि वॉशिंग्टनमध्ये अवैध स्थलांतरित लोकसंख्येमध्ये वाढ झाली आहे, तर कॅलिफोर्निया आणि नेवाडामध्ये घट झाली आहे.

अमेरिकेत 2017-2021 दरम्यान शेजारच्या मेक्सिकोमधून बेकायदेशीर स्थलांतरितांचा सर्वात मोठा ओघ आला, त्यानंतर एल साल्वाडोर (800,000) आणि तिसरा क्रमांक भारताचा लागतो. 2017 पासून भारतीय अवैध स्थलांतरितांच्या संख्येत वाढ झाली आहे.

अमेरिकेतील अनधिकृत स्थलांतरित लोकसंख्या 2021 मध्ये 10.5 दशलक्षांपर्यंत पोहोचली होती, जी 2007 मध्ये 12.2 दशलक्ष होती, असे अभ्यासात म्हटले आहे.

"गेल्या काही वर्षांत जगातील जवळजवळ प्रत्येक प्रदेशातून अमेरिकेत अनधिकृत स्थलांतरितांमध्ये वाढ झाली आहे. यामध्ये मध्य अमेरिका, कॅरिबियन, दक्षिण अमेरिका, आशिया, युरोप आणि उप-सहारा आफ्रिका प्रदेशांचा समावेश आहे," असे संशोधकांनी नमूद केले.