Pakistan Bomb Blast: पाकिस्तानात शुक्रवारी एकापाठोपाठ दोन आत्मघाती हल्ले झाले. ईद मिलाद-उन-नबीच्या दिवशी झालेल्या बॉम्बस्फोटात 58 जणांचा मृत्यू झाला होता. तर 70 हून अधिक जखमी झाले. मृतांमध्ये पोलिसांचाही समावेश आहे.
स्फोटापूर्वी ईद मिलाद-उन नबीच्या मिरवणुकीसाठी लोक जमले होते. मात्र, कोणत्याही दहशतवादी संघटनेने या हल्ल्याची जबाबदारी घेतलेली नाही. पाकिस्तानला दहशतवादाचा बालेकिल्ला म्हटले जाते. बहुतेक आंतरराष्ट्रीय दहशतवादी संघटना येथे जमल्या आहेत.
अशा स्थितीत पाकिस्तानसारख्या देशालाच बॉम्बस्फोटांना सामोरे जावे लागते, हे आश्चर्यकारक आहे. यामागे अनेक कारणे आहेत. दहशतवाद्यांची नर्सरी का उद्ध्वस्त केली जात आहे, ते जाणून घेऊया.... इथे फोफावलेले दहशतवादी या देशाला का लक्ष्य करत आहेत?
दक्षिण आशिया टेररिझम पोर्टलच्या आकडेवारीनुसार, 5 वर्षांत पाकिस्तानमध्ये (Pakistan) 1,316 हल्ले झाले. या हल्ल्यांमध्ये 2,297 लोकांचा मृत्यू झाला.
या वर्षी 27 सप्टेंबर 2023 पर्यंत पाकिस्तानमध्ये 354 हल्ले झाले. त्याचवेळी, गेल्या वर्षी 365 हल्ले झाले आणि 600 हून अधिक मृत्यू झाले.
पाकिस्तानमधील हल्ल्यांवर नजर टाकल्यास गेल्या दीड दशकात त्यांची संख्या सर्वाधिक वाढल्याचे लक्षात येईल. 2007 मध्ये येथे आत्मघातकी हल्ले सुरु झाले.
इस्लामाबादच्या (Islamabad) लाल मशिदीत उपस्थित असलेल्या कट्टरपंथीयांना हटवण्याचा प्रयत्न करताना पाकिस्तानी लष्कराने केलेल्या कारवाईला याचे कारण सांगण्यात आले.
त्यानंतर आत्मघातकी हल्ले वाढले. त्यांना रोखण्यासाठी पाकिस्तानी लष्कराने 2014 मध्ये ऑपरेशन सुरु केले आणि त्याला 'जरब-ए-अरब' असे नाव दिले.
दरम्यान, या ऑपरेशनद्वारे पाकिस्तानी लष्कराने अनेक दहशतवादी संघटनांशी संबंधित लोकांना ठार केले. अनेकांना देश सोडून जावे लागले. त्यामुळे अशा हल्ल्यांचे प्रमाण कमी झाले. लष्कराच्या कारवाया मंदावल्याने येथे आत्मघातकी हल्ल्यांचे प्रमाण वाढले.
2020 बद्दल बोलायचे झाल्यास, येथे 55 हल्ले झाले आणि 2021 मध्ये वेगवेगळ्या ठिकाणी 27 हल्ले झाले. आता हे हल्ले पाकिस्तानच्या सुरक्षेसाठी मोठी समस्या बनले आहेत.
दुसरीकडे, लष्कराच्या त्या कारवाईनंतर दहशतवाद्यांनी धडा शिकवण्याची योजना आखली आणि वेगवेगळ्या ठिकाणी बॉम्बस्फोट घडवून आणल्याचं सांगण्यात आलं.
त्याचवेळी, काही दहशतवादी संघटनांनी स्वतःला बळकट करण्यासाठी आणि आपली उपस्थिती नोंदवण्यासाठी हल्ल्यांची योजना आखली.
गेल्या वर्षभरात येथे झालेल्या हल्ल्यांवर नजर टाकल्यास दहशतवादी कारवाया वाढल्याचे लक्षात येईल. येथील सर्वसामान्य जनता, पोलीस आणि सुरक्षा दलांना लक्ष्य केले जात आहे.
हे असे आहे की, पाकिस्तान आधीच आर्थिक संकटाशी झुंजत असून राजकीय अस्थिरतेला तोंड देत आहे. काही वेळापूर्वी खैबर पख्तुनख्वा येथे आयोजित रॅलीवर हल्ला झाला होता. या रॅलीत 44 जणांचा मृत्यू तर 100 हून अधिक जखमी झाले होते.
इस्माइली स्टेटचा पाकिस्तानी गट या हल्ल्याला जबाबदार असल्याचे मानले जात होते. तहरीक-ए-तालिबानने या हल्ल्याचा निषेध केला होता. तर तेहरीक-ए-तालिबानने (टीटीपी) अलीकडच्या काळात लागोपाठ अनेक हल्ल्यांची जबाबदारी स्वीकारली होती.
जुलै महिन्यात तेहरीक-ए-तालिबानने 70 हल्ले केले होते. या हल्ल्यांमध्ये बहुतांश सुरक्षा दलांना लक्ष्य करण्यात आले होते.
दुसरीकडे, या वर्षाच्या सुरुवातीला टीटीपीने पेशावरमध्ये पहिला हल्ला केला होता. ज्यामध्ये मशिदीला लक्ष्य करण्यात आले होते. फेब्रुवारीमध्ये सशस्त्र दहशतवाद्यांनी कराची पोलीस कार्यालयावर हल्ला केला होता. एप्रिलमध्ये क्वेटाच्या कंधारी मार्केटमध्ये दहशत निर्माण केली होती.
डॉनच्या रिपोर्टनुसार, 18 जून 2022 ते 18 जून 2023 या कालावधीत एकट्या खैबर पख्तूनख्वामध्ये अनेक दहशतवादी हल्ले झाले. 15 आत्मघाती स्फोट झाले.
खैबर पख्तूनख्वाची सीमा अफगाणिस्तानशी आहे. तेहरीक-ए-तालिबान पाकिस्तानच्या सीमावर्ती भागात सक्रिय आहे. हा गट अफगाणिस्तानातील दहशतवादी गटांपेक्षा थोडा वेगळा आहे, परंतु एकच विचारधारा ठेवतो. 2021 मध्ये अफगाणिस्तानात तालिबान सत्तेवर आल्यापासून पाकिस्तानमध्ये स्फोट वेगाने वाढू लागले.
गेल्या वर्षीच टीटीपीने पाकिस्तान सरकारसोबत असे हल्ले न करण्याचा करार मोडला होता. यानंतर वेगवेगळ्या ठिकाणी हल्ले वाढू लागले. यामध्ये टीटीपीची मोठी भूमिका होती. पण या हल्ल्यांमागे ही एकमेव संघटना जबाबदार नव्हती. ISIL-k ने येथे अनेक हल्लेही केले. तालिबान या संघटनेला आपला प्रतिस्पर्धी मानते.
आता अल कायदाही पाकिस्तानात स्वत:ला मजबूत करण्याच्या तयारीत आहे. दहशतवादी संघटनांमध्ये आपले वर्चस्व निर्माण करण्याच्या लढाईत येथे केवळ मृत्यू होत आहेत. परंतु तालिबान आणि अल कायदा यांच्यातील संबंध मजबूत असल्याचे संयुक्त राष्ट्रांच्या अहवालात म्हटले आहे.
संरक्षण तज्ज्ञांचे म्हणणे आहे की, पाकिस्तानमध्ये सध्या 7 ते 8 दहशतवादी संघटना सक्रिय आहेत. अहवालात असेही म्हटले आहे की, पाकिस्तानमध्ये ज्या प्रकारे दहशतवादी संघटना सक्रिय आहेत आणि ज्या प्रकारे ते येथील सुरक्षा व्यवस्था कमकुवत करत आहेत, ते भारतासारख्या शेजारी देशांसाठीही धोकादायक ठरु शकतात.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.