Viral Dance Grandmother: सोशल मीडियावर सध्या एका 75 वर्षांच्या आजीबाईचा डान्स व्हिडिओ तुफान व्हायरल होत आहे. या व्हिडीओमध्ये आजीचा उत्साह आणि ऊर्जा पाहून नेटकरी थक्क झाले. अनेकांनी तिच्या डान्सदरम्यानच्या उड्या पाहून हा व्हिडीओ AI इफेक्ट असल्याचा संशय व्यक्त केला. वयाच्या 75व्या वर्षीही आजीबाईचा उत्साह कमी झालेला नाही.
व्हायरल होत असलेल्या या व्हिडीओमध्ये आजीबाई डान्स फ्लोअरवर जबरदस्त डान्स करताना दिसत आहे. तिच्या चेहऱ्यावरचे हास्य आणि नृत्यशैली पाहून तिच्या वयाचा कोणताही अंदाज येत नाही. आजी केवळ डान्सच करत नाहीत, तर मधे-मधे उड्या मारुन आपल्या कलेचाही जलवा दाखवत आहे. तिच्या याच उड्या हायलाईट ठरल्या. 75व्या वर्षी इतका लवचीकपणा आणि सहजता पाहून यूजर्स आश्चर्य व्यक्त करत आहेत. त्यामुळेच अनेकजण हा व्हिडीओ AI तंत्रज्ञानाची कमाल असल्याचे म्हणत आहेत.
हा व्हिडीओ केवळ मनोरंजक नाही, तर तो सर्व वयोगटातील लोकांसाठी एक मोठी प्रेरणा ठरत आहे. व्हिडीओमध्ये स्पष्टपणे दिसते की, आजीबाई जगाची कोणतीही चिंता न करता स्वतःच्या आनंदात पूर्णपणे मग्न आहेत. तिचा हा आत्मविश्वास आणि आनंदी स्वभाव लोकांना खूप आवडत आहे. अनेक नेटकऱ्यांनी कमेंट करत लिहिले की, "जर आजी इतक्या ऊर्जेने डान्स करु शकत असेल, तर याचा अर्थ तिने 75 वर्षांच्या वयातही आपला छंद सोडला नाही." हा डान्स तरुणांसाठी एक मोठी प्रेरणा बनला.
आजीबाईचा हा व्हिडीओ सोशल मीडियावर वेगाने व्हायरल होत आहे. लोकही त्यावर भरभरुन व्यक्त होत आहेत.
"वाह आजी क्या बात है!" अशा अनेक कमेंट्स करुन लोक आजीच्या जिद्दीला दाद देत आहेत.
या व्हिडीओने हे सिद्ध केले की, आयुष्यातील उत्साह आणि आवड कधीही कमी होत नाही. वय कितीही झाले तरी, जर मनात इच्छाशक्ती आणि आत्मविश्वास असेल, तर प्रत्येकजण आपल्या कलेला नवीन आणि खास पद्धतीने जगासमोर आणू शकतो, असे दुसऱ्याने म्हटले.
75 वर्षांच्या आजीबाईचा हा ऊर्जावान डान्स व्हिडीओ आजच्या पिढीला आपले छंद आणि स्वप्ने कधीही सोडू नयेत, अशी मोलाची शिकवण देत आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.