Pakistan Bus Accident: पाकिस्तानच्या पंजाब प्रांतात रविवारी एक हायस्पीड बस उलटली. या अपघातात 6 जणांचा मृत्यू झाला असून 50 जण जखमी झाले आहेत. ही बस एका धार्मिक मेळाव्यासाठी ख्रिश्चन यात्रेकरुंना घेऊन जात होती. लाहोरपासून सुमारे 50 किलोमीटर अंतरावर असलेल्या शेखूपुरामध्ये हा अपघात झाला.
अधिकार्‍यांनी दिलेल्या माहितीनुसार, मरियमाबाद येथील नॅशनल मारियन श्राइन येथे एका धार्मिक मेळाव्यासाठी ही बस ख्रिश्चन यात्रेकरुंना घेऊन जात होती.
शेखूपुरा येथील खंका डोगराण येथे एका वळणावर बस उलटली. पोलीस आणि बचाव अधिकारी घटनास्थळी पोहोचले आणि जखमींना रुग्णालयात (Hospital) दाखल केले.
दरम्यान, सहा प्रवाशांचा जागीच मृत्यू झाला, तर पाच जणांची प्रकृती चिंताजनक असल्याचे त्यांनी सांगितले. बसमध्ये क्षमतेपेक्षा 60 प्रवासी अधिक होते. वळण घेत असताना चालकाचा वेगात असलेल्या वाहनावरील नियंत्रण सुटले.
दुसरीकडे, पंजाबचे काळजीवाहू मुख्यमंत्री मोहसिन नक्वी यांनी अपघातातील मृत्यूबद्दल शोक व्यक्त केला आणि जखमींना उपचार देण्याचे निर्देश आरोग्य अधिकार्‍यांना दिले.
मरियमाबादमधील राष्ट्रीय मारियन तीर्थ हे 1949 पासून मेरीचा जन्मोत्सव साजरा केला जात आहे. मरियमाबादला 'मेरी सिटी' म्हणूनही ओळखले जाते.
तसेच, पाकिस्तानमध्ये (Pakistan) रस्ते अपघात हे नेहमीचेच झाले आहेत. ऑगस्टमध्ये, पाकिस्तानच्या पंजाब प्रांतात इंधन टाकी घेऊन जाणारी पिक-अप व्हॅन आणि प्रवासी बस यांच्यात झालेल्या धडकेत 18 जणांचा मृत्यू तर 16 जण जखमी झाले होते.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.