स्वित्झर्लंडमधील दावोस येथे होणारी वर्ल्ड इकॉनॉमिक फोरमची बैठक पुढे ढकलण्यात आली आहे. कोरोनाच्या ओमिक्रॉन व्हेरिएंटच्या वाढत्या धोक्याच्या पार्श्वभूमीवर हा निर्णय घेण्यात आला आहे. फोरमने एका निवेदनात म्हटले आहे की, साथीच्या आजाराच्या वाढत्या उद्रेकात प्रवासावर लावण्यात आलेल्या निर्बंधांमुळे हा निर्णय घ्यावा लागला आहे. यामुळे, जगभरातील लोकांना एकत्र उपस्थित राहणे कठीण होत आहे.

या शिखर परिषदेत 17 ते 21 जानेवारी दरम्यान आर्थिकदृष्ट्या शक्तिशाली देश आणि कॉर्पोरेट नेत्यांची वार्षिक बैठक होणार होती. आता उन्हाळ्याच्या सुरुवातीलाच ते पूर्ण करण्याचे नियोजन आहे. कोविडमुळे दावोस शिखर परिषद पुढे ढकलण्याचे हे सलग दुसरे वर्ष आहे. गेल्या वर्षी फेब्रुवारीमध्ये, WEF ने सांगितले की, आम्ही अनेक महिन्यांसाठी या बैठकीला पुढे ढकलले होते.