भारतात प्रतिभेची आणि कल्पकतेची काहीच कमतरता नाही, हे वेळोवेळी सिद्ध झाले आहे. जेव्हा एखादी गोष्ट कमी खर्चात किंवा उपलब्ध साधनांतून करायची असते, तेव्हा भारतीयांचे 'जुगाडू' डोकं भल्याभल्या इंजिनिअर्सनाही विचार करायला लावतं. असाच एक अनोखा आणि मजेशीर व्हिडिओ सध्या सोशल मीडियावर तुफान व्हायरल झाला असून, त्यात चक्क एका ट्रॅक्टरच्या साहाय्याने पूर्ण बस चालवली जात असल्याचे दिसत आहे. हे पाहून सुरुवातीला लोक आश्चर्यचकित झाले आणि नंतर हसून हसून लोटपोट झाले.

पुढे ट्रॅक्टर आणि मागे प्रवाशांनी भरलेली बस! व्हायरल होत असलेल्या या व्हिडिओमध्ये एक बस रस्त्यावरून वेगाने धावताना दिसते. बसमध्ये प्रवासी सुखात बसलेले असल्याने सुरुवातीला ही एक सामान्य बस असावी, असा भास होतो. मात्र, कॅमेरा जसा बसच्या पुढच्या बाजूला जातो, तसे सत्य समोर येते. या बसला स्वतःचे इंजिन नसून, एका ट्रॅक्टरला बसचा पूर्ण सांगाडा (Body) जोडण्यात आला आहे. ट्रॅक्टर या बसला ओढत नेण्याचे काम करत आहे. अशा प्रकारचे जुगाड यापूर्वी कधीही पाहिले गेले नसल्याने या व्हिडिओने सर्वांचे लक्ष वेधून घेतले आहे. हा प्रकार जरी धोकादायक वाटत असला, तरी व्हिडिओमध्ये हे वाहन अगदी व्यवस्थित चालताना दिसत आहे.

सोशल मीडियावर व्हिडिओचा धुमाकूळ हा मजेशीर व्हिडिओ 'apna_kakore_203203' नावाच्या इंस्टाग्राम अकाउंटवरून शेअर करण्यात आला आहे. सोशल मीडियावर या व्हिडिओने अक्षरशः राडा केला असून, आतापर्यंत १९ लाखांहून अधिक (१.९ मिलियन) लोकांनी तो पाहिला आहे. तसेच ५४ हजारांहून अधिक नेटकऱ्यांनी याला पसंती दर्शवली आहे. ही 'जुगाड बस' पाहून नेटकऱ्यांनी कमेंट्सचा पाऊस पाडला आहे.

नेटकऱ्यांच्या मजेशीर प्रतिक्रिया व्हिडिओवर कमेंट करताना एका युजरने मजेशीरपणे म्हटले की, "ही तर कमी बजेटमधील सर्वोत्तम बस आहे." तर दुसऱ्याने लिहिले की, "ही आमच्या गावची खरी रोडवेज आहे." एका युजरने तर उपरोधिक टोला लगावत म्हटले की, "हे पाहून आता सरकारी रोडवेज प्रशासनही धास्तावले असेल." अनेक लोकांनी याला 'देसी इंजिनिअरिंग'चा उत्तम नमुना म्हटले आहे.

जरी हा जुगाड पाहून मनोरंजन होत असले, तरी अशा प्रकारच्या वाहनांची रस्त्यावरील सुरक्षितता हा चिंतेचा विषय ठरू शकतो. मात्र, ग्रामीण भागात अनेकदा साधनांच्या कमतरतेमुळे लोक असे पर्याय शोधून काढतात. सध्या तरी या 'ट्रॅक्टर-बस'ने इंटरनेटवर धुमाकूळ घातला असून, भारतीय जुगाडाची चर्चा पुन्हा एकदा जागतिक पातळीवर पोहोचली आहे.