2022-23 वर्षाचे अर्थसंकल्पीय अधिवेशन (India Budget 2022) आज सादर केले आहे. केंद्रीय अर्थमंत्री निर्मला सीतारामन (Nirmala Sitharaman) 2022 चा केंद्रीय अर्थसंकल्प सादर केला. या अर्थसंकल्पाबाबत लोकांच्या मनात अनेक अपेक्षा होत्या. अर्थसंकल्पादरम्यान एकाच वेळी अनेक गोष्टींबाबत नवनवीन घोषणा केल्या गेल्या आहेत.

कोरोना संकटाच्या पार्श्वभूमीवर या अर्थसंकल्पाकडे सर्वांचं लक्ष लागलं होतं. मागील वर्षी भारत आणि चीन सीमेवर सातत्याने होणाऱ्या संघर्षाचा सामना भारत करत असल्याचे पाहायला मिळायला. या पाश्वभूमीवर यंदाच्या बजेटकडे सर्वांच लक्ष लागून राहिले होते. यांच परिस्थितीची अंदाज लक्षात घेता यंदाच्या अर्थसंकल्पात संरक्षण क्षेत्रासाठी भरीव तरतूद करण्यात आली आहे. अपेक्षेप्रमाणे संरक्षण क्षेत्रातील आत्मनिर्भरतेवर भर दिला असल्याचे अर्थमंत्र्यांनी सांगितले.

आत्मनिर्भर भारत योजनेला चालना देण्यासाठी एकूण संरक्षण बजेटमधील 68 टक्के रक्कम स्थानिक पातळीवरील उत्पादनाला दिली जाणार आहे. संशोधन आणि संरक्षण दलातील सर्व मशिनरी आणि तंत्रज्ञान देशात तयार होणार आहे. आर्टिफिशियल इंटेलिजन्स, ड्रोन्स आणि फार्मासिटिक्लसाठी पूर्णत: आत्मनिर्भरता आणणार असल्याचे अर्थमंत्र्यांनी सादर केलेल्या अर्थसंकल्पात सांगण्यात आले. संरक्षण क्षेत्रात खासगी कंपन्याची इंट्री होणार आहे. संरक्षण क्षेत्रातील 25 टक्के बजेट खासगी क्षेत्रासाठी राखीव ठेवण्यात येणार आहे. त्याचबरोबर भारताच्या संरक्षण R&Dबजेटपैकी 25 टक्के निधी खाजगी उद्योग आणि स्टार्टअपसाठी राखीव ठेवला जाणार आहे.