अर्थमंत्री निर्मला सीतारामन यांनी अर्थसंकल्पीय भाषणात इलेक्ट्रिक वाहनांना प्रोत्साहन देण्यासाठी इलेक्ट्रिक वाहन चार्जिंग स्टेशन पायाभूत सुविधांच्या विकासाबाबत मोठी घोषणा केली आहे. इलेक्ट्रॉनिक वाहनांना (Electric Vehicle) चालना देण्यासाठी चार्जिंग स्टेशन्समध्ये मोठ्या प्रमाणावर गुंतवणूक करण्यात येणार असल्याचे त्यांनी आपल्या भाषणात सांगितले. (Budget 2022 Highlights)
सार्वजनिक वाहतुकीतही इलेक्ट्रॉनिक वाहनांना प्रोत्साहन दिले जाईल. सीतारामन म्हणाले की, आगामी काळात सरकार बॅटरी स्वॅपिंग धोरण आणणार आहे. इलेक्ट्रिक वाहनांसाठी स्पेशल मोबिलिटी झोन तयार केले जातील. याशिवाय सार्वजनिक वाहतुकीतही इलेक्ट्रिक वाहनांवर भर दिला जाणार आहे.
याशिवाय जलविद्युत आणि सौर ऊर्जा प्रकल्पांसाठी 1400 कोटी रुपयांची घोषणा करण्यात आली आहे. या घोषणेनंतर वीज क्षेत्रातील कंपन्यांच्या शेअर्समध्ये मोठी वाढ झाली आहे. अदानी पॉवरचे शेअर्स 2.70 टक्के आणि टाटा पॉवरचे शेअर्स 2.30 टक्क्यांनी वधारत आहेत.
सरकारने 2030 पर्यंत 280 GW सौर ऊर्जा उभारणीचे लक्ष्य ठेवले आहे. यासाठी पीएलआय योजनेंतर्गत अर्थसंकल्पात अतिरिक्त १९५०० कोटी रुपयांची घोषणा करण्यात आली आहे. या निधीचा वापर सोलर पॉनी मॉड्युल तयार करण्यासाठी केला जाणार आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
