Congress News: काँग्रेसला सेवादलाचे कार्यालय रिकामे करावे लागणार आहे. राज्य संचालनालयाने काँग्रेसला (Congress) सेवादलाचे कार्यालय रिकामे करण्याचे आदेश दिले आहेत. सेवा दलाचे हे कार्यालय नवी दिल्लीतील 26 अकबर रोड येथे आहे.
सेवादलाचे कार्यालय नवीन इमारतीत स्थलांतरित होणार
पंडित दीनदयन मार्गावर काँग्रेसला नवीन जागा देण्यात आली आहे, तिथे बांधकाम सुरु आहे. कोरोनामुळे नवीन इमारतीचे बांधकाम थांबवावे लागल्याने सेवादलाचे कार्यालय रिकामे करण्यासाठी दिलेली मुदत वारंवार वाढवण्यात आली होती. नवीन इमारतीचे काम अद्याप अपूर्ण आहे. सध्या सेवादलाचे कार्यालय 5 रायसीना मार्गावरील एनएसयूआयच्या कार्यालयात स्थलांतरित करण्यात येणार आहे.
दिल्लीत काँग्रेसच्या तीन इमारती
सध्या दिल्लीत काँग्रेसच्या तीन इमारती आहेत. काँग्रेसचे मुख्यालय 24, अकबर रोड इथे असून सेवा दलाचे कार्यालय 26, अकबर रोड इथे आहे. याशिवाय तिसरी इमारत 5 रायसीना मार्गावर आहे, जिथे एनएसयूआयचे कार्यालय आहे.
काँग्रेसची सर्व कार्यालये स्थलांतरित केली जाणार
सूत्रांकडून मिळालेल्या माहितीनुसार, पंडित दीनदयन मार्गावर बांधण्यात येत असलेल्या नवीन इमारतीत काँग्रेसची सर्व कार्यालये स्थलांतरित केली जाणार आहेत. या वर्षाच्या अखेरीस स्थलांतराचे काम पूर्ण होईल. नवीन इमारतीचे बांधकाम अंतिम टप्प्यात आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.