Odisha train Tragedy

कोरोमंडल एक्स्प्रेसमध्ये बसलेले राष्ट्रीय आपत्ती प्रतिसाद दल (NDRF) चे जवान प्राथमिक बचाव कार्यात सामील होण्यापूर्वी रेल्वे अपघाताविषयी आपत्कालीन सेवांना माहिती देणारे व्यंकटेश एन. कदाचित पहिले व्यक्ती असतील.

एनडीआरएफ जवान व्यंकटेश एन. रजेवर होते आणि पश्चिम बंगालमधील हावडा येथून तामिळनाडूला जात होते. शुक्रवारी शालीमार-चेन्नई सेंट्रल कोरोमंडल एक्स्प्रेस चुकीच्या ट्रॅकवर उभ्या असलेल्या मालगाडीला धडकली. तीचे डबे आजूबाजूच्या ट्रॅकसह सर्वत्र विखुरले गेले आणि दुसरी पॅसेंजर ट्रेन - बेंगळुरू-हावडा सुपरफास्ट एक्स्प्रेस, जी वेगाने येत होती, ती देखील रुळावरून घसरली.

रेल्वे अधिकाऱ्यांनी सांगितले की, व्यंकटेशचा डबा बी-7 रुळावरून घसरल्याने तो थोडक्यात बचावला होता, पण पुढे डब्यांना धडकला नाही. तो थर्ड एसी कोचमध्ये होता आणि त्याचा सीट नंबर 58 होता.

व्यंकटेश रजेवर घरी जात होते

कोलकाता येथील एनडीआरएफच्या दुसऱ्या बटालियनमध्ये तैनात ३९ वर्षीय व्यंकटेश यांनी प्रथम बटालियनमधील वरिष्ठ निरीक्षकांना फोन करून अपघाताची माहिती दिली. त्यानंतर त्यांनी व्हॉट्सअॅपवर साइटचे लाईव्ह लोकेशन एनडीआरएफ कंट्रोल रूमला पाठवले आणि त्याचा उपयोग बचाव पथकाने घटनास्थळी पोहोचण्यासाठी केला.

व्यंकटेश म्हणाले, 'मला जोरदार धक्का बसला... आणि मग मी माझ्या डब्यात काही प्रवासी पडताना पाहिले. मी पहिल्या प्रवाशाला बाहेर काढले आणि त्याला रेल्वे ट्रॅकजवळच्या दुकानात बसवले... मग मी इतरांच्या मदतीला धावलो. त्यांनी सांगितले की मेडिकल दुकानाच्या मालकासह स्थानिक लोक हे 'खरे तारणहार' आहेत कारण त्यांनी पीडितांना शक्य तितकी मदत केली आणि बचावकार्यात शक्य तितके सहकार्य केले.

स्वतः बचावकार्यात सहभागी

भुवनेश्वरपासून सुमारे १७० किमी उत्तरेस बालासोरच्या बहनागा बाजार स्टेशनजवळ हा भीषण अपघात झाला. एका अधिकाऱ्याने सांगितले की, 'जवान व्यंकटेश कोरोमंडल एक्स्प्रेसने प्रवास करत असताना ते तामिळनाडूतील त्यांच्या घरी सुट्टीवर जात होते.

अपघात होताच त्यांनी कोलकाता येथील वरिष्ठांना बोलावले. तो फोन कॉल बहुधा पहिला कॉल होता ज्याने NDRF ला अलर्ट केले होते. नंतर स्थानिक प्रशासनालाही कळवण्यात आले.

सीमा सुरक्षा दल (बीएसएफ) मधून 2021 मध्ये एनडीआरएफमध्ये सामील झालेल्या जवानाने सांगितले की, त्यांनी जखमी आणि अडकलेल्या प्रवाशांना शोधण्यासाठी आणि त्यांची सुटका करण्यासाठी मोबाईल फोनची टॉर्च वापरला.

काळोख होता आणि बचाव पथक येईपर्यंत स्थानिक लोकांनी आपले मोबाईल फोन आणि टॉर्चचा वापर करून प्रवाशांना मदत केली.

दिल्लीत एनडीआरएफचे डीआयजी मोहसेन शाहिदी यांनी सांगितले की, एनडीआरएफचे जवान नेहमी गणवेशात असोत किंवा गणवेश नसलेले, ते नेहमी कार्यतत्पर. शुक्रवारी संध्याकाळी ७ च्या सुमारास झालेल्या अपघातानंतर प्रथम NDRF आणि ओडिशा राज्याच्या बचाव पथकांना घटनास्थळी पोहोचायला सुमारे एक तास लागला आणि तोपर्यंत NDRF जवानाने जीव वाचवण्यासाठी सर्वतोपरी प्रयत्न केले.

पंतप्रधानांकडून अपघातस्थळाची पाहणी

ओडिशातील बालासोर येथे शुक्रवारी झालेल्या रेल्वे अपघातात 288 जणांचा मृत्यू झाला आहे. तरी या ट्रॅकवरून गाड्यांची वाहतूक सुरू झालेली नाही. आताही रेल्वे अपघातामुळे खराब झालेल्या बोगींचा ढिगारा रुळावर पसरला आहे.

शनिवारी ओडिशातील बालासोर येथे झालेल्या भीषण रेल्वे अपघातानंतर पंतप्रधान मोदी घटनास्थळी पोहोचले आणि त्यांनी बचाव कार्याचा आढावा घेतला. त्यानंतर त्यांनी त्या हॉस्पिटलमध्ये पोहोचून जखमींची प्रकृती जाणून घेतली आणि त्यांच्याशी चर्चा केली. या घटनेत जे दोषी असतील त्यांना सोडले जाणार नाही, असे पीएम मोदी यावेळी म्हणाले होते.