२०२५-२६ रणजी ट्रॉफीच्या चौथ्या फेरीचे सामने ८ नोव्हेंबरपासून खेळवले जातील. प्लेट ग्रुपमध्ये मेघालय आणि अरुणाचल प्रदेश आमनेसामने येतील. मेघालयचे प्रतिनिधित्व करणाऱ्या २५ वर्षीय आकाश कुमारने प्रथम श्रेणी क्रिकेटमध्ये सर्वात जलद अर्धशतक करण्याचा विक्रम केला. त्याने फक्त ११ चेंडूत आठ षटकार ठोकले आणि त्याचे अर्धशतक पूर्ण केले.
सहा चेंडूत सलग सहा षटकार मारले
आकाशने २०१२ मध्ये लीसेस्टरशायरकडून एसेक्सविरुद्ध खेळताना १२ चेंडूत अर्धशतक झळकावणाऱ्या नेव्ह व्हाईटचा विक्रम मोडला. आता, आकाशने फक्त ११ चेंडूत आपले अर्धशतक पूर्ण केले आहे. उल्लेखनीय म्हणजे, त्याने त्याच्या डावात सलग सहा षटकारही मारले. आकाशने १४ चेंडूत नाबाद ५० धावा पूर्ण केल्या.
मेघालयने ६२८ धावा केल्या
प्रथम फलंदाजी करताना मेघालयने १२७ षटकांत ६ बाद ६२८ धावांवर आपला डाव घोषित केला. अर्पित भटेवाराने २०७३ चेंडूत २०७ धावांची शानदार खेळी केली. त्याने २३ चौकार आणि ४ षटकार मारले. किशन लिंगडोहनेही १८७ चेंडूत ११९ धावांचे योगदान दिले. राहुल दलालने १०२ चेंडूत १४४ धावा केल्या. शेवटी, आकाश कुमार चौधरीने १४ चेंडूत ५० धावा करून इतिहास रचला.
आकाश कुमारने आतापर्यंत ३० प्रथम श्रेणी सामन्यांमध्ये १४.३७ च्या सरासरीने ५०३ धावा केल्या आहेत. त्याने २८ लिस्ट ए सामन्यांमध्ये १५.६१ च्या सरासरीने २०३ धावा केल्या आहेत. त्याने ३० टी-२० सामन्यांमध्ये १०७ धावा केल्या आहेत.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.