Chhattisgarh Crime: छत्तीसगडमधून एक धक्कादायक घटना समोर आली आहे. रायगडमधील केलो विहार कॉलनीत राहणाऱ्या लीना नागवंशी या बीकॉम द्वितीय वर्षाच्या विद्यार्थिनीने गळफास घेऊन आत्महत्या केली. लीना सोशल मीडियावर खूप सक्रिय होती. मृत लीनाचे तिच्या इन्स्टाग्रामवर 10,000 पेक्षा जास्त फॉलोअर्स होते. लीना व्हिडिओ आणि रील बनवायची. ती सोशल मीडियावर खूप सक्रिय आणि लोकप्रिय होती.

दरम्यान, लीनाचे वडील ग्राहक मंचात वरिष्ठ सहकारी निरीक्षक या पदावर असून ते अंबिकापूर येथे कार्यरत आहेत. मयत लीना केलो विहार कॉलनीत आई आणि भावांसोबत राहत होती. सोमवार 26 डिसेंबर रोजी लीनाची आई बाजारात गेली होती. दुपारी बाजारातून परतल्यानंतर लीना तिच्या खोलीत नसल्याचे त्यांना दिसले, त्यानंतर त्या वरच्या मजल्यावर गेली असता दरवाजा आतून बंद होता. खूप आवाज देऊनही दार न उघडल्याने दरवाजा तोडण्यात आला. यादरम्यान लीनाचा मृतदेह टेरेसवर पाईपला बांधलेल्या चुनरीला लटकलेल्या अवस्थेत आढळून आला. त्यानंतर तात्काळ लीनाच्या आईने पती आणि पोलिसांना याची माहिती दिली.

दुसरीकडे, पोलिसांनी (Police) घटनास्थळ गाठून मृतदेह पोस्टमॉर्टमसाठी पाठवला. मृतदेहाजवळून पोलिसांना कोणतीही सुसाइड नोट मिळालेली नाही. त्याचवेळी लीनाने आत्महत्या का केली, याबाबत कुटुंबीयही चिंतेत आहेत. सध्या पोलीस लीनाचा मोबाईल ताब्यात घेऊन या प्रकरणाचा तपास करत आहेत. तपासानंतरच मृत्यूचे कारण समजेल.

नुकतेच, टीव्ही अभिनेत्री तुनिषा शर्माच्या आत्महत्येच्या बातमीनेही चाहत्यांना मोठा धक्का बसला आहे. आता सोशल मीडिया (Social Media) स्टार लीनाचा अशा प्रकारे मृत्यू झाल्याची बातमी हृदयद्रावक आहे.