Shah Rukh Khan Birthday: आज 2 नोव्हेंबर जगभर 'एसआरके डे' म्हणून साजरा केला जात आहे, कारण याच दिवशी बॉलिवूडचा 'बादशाह' शाहरुख खान आपला 60वा वाढदिवस साजरा करत आहे. यावर्षीचा त्याचा वाढदिवस अधिक खास ठरला आहे. शाहरुखच्या वाढदिवसानिमित्त दिग्दर्शक सिद्धार्थ आनंद यांनी त्याच्या बहुप्रतिक्षित 'किंग' (KING) चित्रपटाचा टायटल रिव्हिल व्हिडिओ (Title Reveal Video) जारी केला आहे.

'किंग'ची पहिली झलक

रेड चिलीज एंटरटेनमेंट आणि मार्फ्लिक्स पिक्चर्सच्या बॅनरखाली तयार होत असलेला हा चित्रपट 2026 मध्ये प्रदर्शित होणार आहे. 'किंग' हा चित्रपट शाहरुख खानला (Shah Rukh Khan) अशा रुपात दर्शवणार आहे, जो प्रेक्षकांनी यापूर्वी कधीही पाहिलेला नाही. ही पहिली झलक जगभरातील चाहत्यांना थ्रिल करणारी आहे. 'जवान' आणि 'पठाण' चित्रपटांमधील जोश कायम ठेवत, शाहरुख खान पुन्हा एकदा दमदार ॲक्शन अवतारात या चित्रपटात दिसणार आहे. समोर आलेली ही पहिली झलक सोशल मीडियावर तूफान व्हायरल झाली आहे.

शाहरुखचा इंटेन्स लूक

'किंग' हा एक स्टायलिश आणि जबरदस्त ॲक्शन एंटरटेनर चित्रपट असून, तो स्टाइल, करिष्मा आणि थ्रिल एका नवीन स्तरावर घेऊन जाईल. सिद्धार्थ आनंद यांचा हा आतापर्यंतचा सर्वात मोठा मानला जात आहे, जो त्यांच्या ॲक्शन स्टोरीटेलिंगला नव्या उंचीवर नेणार आहे. शाहरुख खानच्या लूकबद्दल बोलायचे झाल्यास, तो पूर्णपणे ग्रे हेअर मध्ये दिसत आहे. कानात बाळी, नाकातून वाहणारे रक्त (Bleeding Nose) आणि ओठात दाबलेला डावाचा पत्ता (Playing Card) अशा लूकमुळे त्याचा अवतार अधिकच इंटेन्स आणि रहस्यमय वाटत आहे.

सिद्धार्थ आनंदकडून चाहत्यांना भेट

'किंग'चे टायटल रिव्हिल करणे हे शाहरुख खानच्या शानदार ओळखीचे सेलिब्रेशन आहे आणि दिग्दर्शक सिद्धार्थ आनंद यांच्याकडून चाहत्यांसाठी ही एक खास भेट आहे. हे टायटल रिव्हिल शाहरुखच्या वाढदिवसानिमित्त (Birthday) रिलीज करण्यात आले, जिथे आपण पाहतो की ज्या व्यक्तीला सगळे 'किंग खान' म्हणतात, तो आता त्याच नावाच्या भूमिकेत, पण अत्यंत दमदार आणि उत्साही अंदाजात दिसत आहे. हा असा एक 'किंग' आहे, ज्याचे नाव केवळ भीती नव्हे, तर दहशत पसरवते. व्हिडिओच्या शेवटी शाहरुखचा डायलॉग आहे: "सौ देशों में बदनाम, दुनिया ने दिया सिर्फ एक ही नाम 'किंग'।"

हा टायटल रिव्हिल व्हिडिओ चाहत्यांसाठी एक मोठी पर्वणी असून यामुळे 2026 मध्ये प्रदर्शित होणाऱ्या या चित्रपटाबद्दलची उत्सुकता खूप वाढली आहे.