उत्तराखंडच्या उत्तरकाशी जिल्ह्यात उत्तरकाशी - यमनोत्री महामार्ग परिसरात मोठा अपघात झाला आहे. या अपघातात भाविकांना घेऊन जाणारी एक मिनीबस दरीत 200 मीटर खोल कोसळली आहे. यात आतापर्यंत 22 जणांचा मृत्यू झाला आहे. (Passengers bus accident in Uttarkashi, 22 people died )

घटना घडल्यानंतर स्थानिक नागरिकांकडून तातडीने सुरु केली आहे. मदत कार्य वेगाने सुरु करण्यात आले आहे. मात्र संबंधित परिसर हा घाट परिसर दरडीचा भाग असल्याने रेस्क्यू करण थोडे कठीण जात असल्याची देखील माहिती स्थानिकांनी दिली आहे. डीजीपी अशोक कुमार यांनी याबाबत माहिती दिली आहे. त्यानुसार घटना स्थळी तातडीने पोलीस तसेच एसडीआरएफची टीम दाखल झालेली आहे. यांच्याकडून रेस्क्यू ऑपरेशन सुरु आहे.

मिळालेल्या माहितीनुसार, बसमध्ये 28 ते 29 जण होते. यांच्यापैकी बहुतेकांचा दुर्देवी मृत्यू झाला आहे. आतापर्यंत 4 जखमींना रेस्क्यू करण्यात आले आहे. त्यांना तातडीने उपचारासाठी रुग्णालयात दाखल करण्यात आले आहे. तसेच आतापर्यंत 15 जणांचे मृतदेह सापडले आहे. तर इतर प्रवाशांचा शोध सुरू आहे. बसमधील प्रवासी हे मध्य प्रदेशातील पन्ना जिल्ह्यातील रहिवासी आहेत. तसेच घटनास्थळी तीन रुग्णवाहिका ही दाखल झाल्या आहेत.