Madhya Pradesh Minister of Ramkhelawan Patel: मध्य प्रदेशचे पंचायत आणि ग्रामीण विकास राज्यमंत्री रामखेलावान पटेल यांनी एका सरकारी अधिकाऱ्याला धमकावल्याचा ऑडिओ सोशल मीडियावर प्रचंड व्हायरल होत आहे. या ऑडिओमध्ये मध्यप्रदेश सरकारमधील मंत्री रामखेलवान पटेल सरकारी अधिकाऱ्याला खुलेआम धमकी देत आहेत. 'उल्टा लटका दूंगा, अगर...' असे म्हणतानाही ऐकू येत आहे.

दरम्यान, अमरपाटन, सतना येथील खाद्य सुरक्षा अधिकारी नीरज विश्वकर्मा (Neeraj Vishwakarma) यांनी आरोप केला की, 'एक ऑपरेटर आणि त्याच्या साथीदारांनी मारहाण करण्यात आली. मात्र पोलीस (Police) ठाण्यात पोहोचल्यानंतर त्यांना 5 तास बसवून ठेवण्यात आले. विशेष म्हणजे, एफआयआरही (FIR) नोंदवण्यात आला नाही.'

तसेच, नीरज विश्वकर्मा यांच्या म्हणण्यानुसार, कारवाई न केल्यामुळे सरकारमधील मंत्री अधिकाऱ्यांना धमक्या देत आहेत. त्याचवेळी, मध्य प्रदेशचे मुख्यमंत्री शिवराज सिंह चौहान (Shivraj Singh Chauhan) यांनी बुधवारी श्योपूर जिल्ह्यातील जिल्हा पुरवठा अधिकाऱ्याला निलंबित केले होते. जिल्हा पुरवठा अधिकाऱ्यांना एका आठवड्यात निलंबित करण्याची मुख्यमंत्र्यांची ही तिसरी वेळ आहे. सतना येथील अमरपाटन विधानसभा मतदारसंघातून विजयी होऊन रामखेलवान पटेल (Ramkhelawan Patel) मंत्री झाले आहेत.