Karnataka Crime: कर्नाटकातील आणखी एका लिंगायत मठाच्या प्रमुखाचा मृत्यू झाला आहे. त्याच्या रुममधून दोन पानी सुसाईड नोटही मिळाली आहे. याप्रकरणी पोलिसांनी अनैसर्गिक मृत्यूची नोंद केली आहे. सुसाईड नोटमध्ये, मठ प्रमुखाने काही लोकांवर त्याचा छळ करण्याचा कट रचल्याचा आणि त्याला मठाच्या प्रमुखपदावरुन हटवल्याचा आरोप केला आहे, असे पोलिसांनी सांगितले. महिनाभरापूर्वीही एका लिंगायत मठातील साधू खोलीत मृतावस्थेत आढळून आला होता.

दरम्यान, लिंगायत मठाचे प्रमुख बसवलिंग स्वामी हे सोमवारी कर्नाटकातील रामनगरम जिल्ह्यात त्यांच्या खोलीत मृतावस्थेत आढळले. पोलिसांकडून मंगळवारी अनैसर्गिक मृत्यूची नोंद करण्यात आली आहे. खोलीतून सुसाईड नोटही सापडली आहे. दोन पानांच्या चिठ्ठीत त्यांनी काही लोकांचा छळ करुन त्यांना पदावरुन दूर करण्याचा कट रचल्याचा आरोप केला आहे.

पोलिसांनी (Police) दिलेल्या माहितीनुसार, मठ प्रमुखांच्या भक्तांनी त्यांच्या खोलीचा दरवाजा तोडला तेव्हा मृत्यू झाल्याचे समजले. मठ प्रमुखांनी सोमवारी सकाळी दरवाजा उघडला नाही आणि वारंवार केलेल्या कॉललाही प्रतिसाद दिला नाही.

तसेच, गेल्या महिन्यात कर्नाटकातील (Karnataka) बेळगावी जिल्ह्यात एक शीर मृतावस्थेत आढळले होते. शीरच्या मृत्यूपूर्वी सोशल मीडियावर (Social Mdia) एक ऑडिओ क्लिप व्हायरल झाली होती, ज्यामध्ये शीर त्यांच्या पोस्टचा गैरवापर करत असल्याचे उघड झाले होते.