Mallikarjun Kharge Controversial Statement On PM Modi: काँग्रेस अध्यक्ष मल्लिकार्जुन खर्गे यांनी पंतप्रधान नरेंद्र मोदींबाबत पुन्हा एकदा वादग्रस्त वक्तव्य केले आहे. पंतप्रधान मोदींना त्यांनी 'विषारी साप' म्हटले आहे.

कर्नाटक निवडणूक प्रचारादरम्यान खर्गे यांनी हे विधान केले, ज्याचा व्हिडिओ भाजप नेते अमित मालवीय यांनी ट्विट केला आहे. यापूर्वी, गुजरात निवडणुकीत त्यांनी पंतप्रधान मोदींना 'रावण' म्हटले होते.

खर्गे यांच्या वक्तव्यावर अमित मालवीय यांनी आक्षेप घेतला

मल्लिकार्जुन खर्गे यांचा व्हिडिओ शेअर करताना भाजप नेते अमित मालवीय यांनी आक्षेप घेतला आणि लिहिले की, 'आता काँग्रेस (Congress) अध्यक्ष खर्गे यांनी पंतप्रधान मोदींना 'विषारी साप' म्हटले आहे.

सोनिया गांधींच्या 'मर्चंट ऑफ डेथ'पासून काय सुरु झाले आणि ते कसे संपले, हे आपल्याला माहीत आहे. हतबलता दाखवते की, कर्नाटकात काँग्रेसचा पराभव होत आहे आणि ते त्यांना माहीत आहे.'

मल्लिकार्जुन खर्गे यांनी वादग्रस्त वक्तव्यावर स्पष्टीकरण दिले

काँग्रेसचे अध्यक्ष मल्लिकार्जुन खर्गे यांनी त्यांच्या वादग्रस्त वक्तव्यावर स्पष्टीकरण दिले असून त्यांनी त्यांच्या भाषणात पंतप्रधान नरेंद्र मोदी (Prime Minister Narendra Modi) यांचा उल्लेख केला नसल्याचे म्हटले आहे. मी भारतीय जनता पक्षाला (भाजप) साप म्हटले.

मल्लिकार्जुन खर्गे यांनी काय विधान केले

काँग्रेसचे अध्यक्ष मल्लिकार्जुन खर्गे यांनी कर्नाटकातील एका निवडणूक रॅलीला संबोधित करताना, ‘तुमची विचारसरणी आणि तत्त्वांच्या जोरावर या देशाला उद्ध्वस्त करण्यासाठी तुम्हीच पुरेसे आहात’, असे म्हटले होते.

तुमची विचारधारा, तुमचा सिद्धांत अतिशय चुकीचा आहे, त्यामुळे देशाचा नाश होत आहे. तुमचा हा गैरसमज नसावा, मोदी हे विषारी सापासारखे आहेत, असेही खर्गे पुढे म्हणाले.