Amit Shah: कर्नाटकमध्ये सध्या निवडणूकीचे वारे वाहत आहे. त्यामुळे या निवडणूकीच्या पार्श्वभूमीवर राजकीय पक्ष सतत आरोप- प्रत्यारोप करताना दिसत आहेत. आता अमित शहांनी काँग्रेसवर निशाना साधताना मोठे वक्तव्य केले आहे.

अमित शहांनी बहुमतासह आम्ही कर्नाटक निवडणूकीत निवडून येऊ असे वक्तव्य केले आहे. याबरोबरच त्यांनी कर्नाटकमध्ये काँग्रेसने मुस्लिम समुदायाला लागू केलेले 4 टक्के आरक्षणाला असंविधानिक आहे. कॉंग्रेसने संविधानाच्या विरुद्ध जाऊन मुस्लिमांना आरक्षण दिले होते. आम्ही हे आरक्षण बंद करुन इतर समुदायाचे आरक्षण वाढवण्यचे काम केले आहे.

कॉंग्रेसने 70 वर्षाच्या कार्यकाळात देशाअंतर्गतच दोन देश तयार करण्याचे प्रयत्न केले आहे. त्याचबरोबर त्यांनी पुढे म्हटले आहे की, कर्नाटकातल्या भाजप सरकारने असंविधानिक व्यवस्था समाप्त करण्याचे महत्वपूर्ण काम केले आहे. संविधानातील बाबी प्रत्यक्ष आणण्याचे काम केले आहे. विशेष म्हणजे, ज्याचा हक्क त्याला देण्याचे काम केले आहे.

आयुष्मान भारत, किसान सम्मान निधि, मोफत अन्न, शौचालय निर्माण, उज्ज्वला योजना या योजना भाजपने सरकारने राबवल्या आहेत. भ्रष्टाचाराच्या आरोपावर बोलताना म्हटले आहे की, हे आरोप निराधार असून कॉग्रेस आमच्यावर थोपत आहे.

आमचा नेहमी विकासावर भर असतो . गेल्या निवडणूक आणि आत्ताच्या निवडणूकीत आमची स्थिती चांगली असून भाजप बहुमताने सरकार स्थापन करेल असेही अमित शहांनी म्हटले आहे.