Gujarat Assembly Election 2022: गुजरात विधानसभा निवडणुकीसंदर्भात एक मोठी बातमी समोर आली आहे. गुजरात निवडणुकीसाठी काँग्रेसने 43 जागांसाठी उमेदवार जाहीर केले आहेत. काँग्रेसच्या उमेदवारांच्या यादीतील लोकप्रिय नावांमध्ये पोरबंदरमधून अर्जुन मोढवाडिया आणि घाटलोडियामधून अमी याज्ञिक यांना तिकीट देण्यात आले आहे.

दरम्यान, गुजरात निवडणुकीसाठी सर्वच पक्षांनी कंबर कसली आहे. विधानसभा निवडणुकीपूर्वी सर्वच पक्ष मतदारांना आकर्षित करण्याचा प्रयत्न करत आहेत. गुजरातमधील मोरबी पूल दुर्घटनेनंतर आरोप-प्रत्यारोपांची फैरीही सुरु झाल्या आहेत.

तसेच, पंतप्रधान नरेंद्र मोदी यांचे गृहराज्य (गुजरात) भाजपचा सर्वात मजबूत बालेकिल्ला आहे. सध्या गुजरातसाठी मोरबी ब्रिज दुर्घटनेचा सर्वात मोठा मुद्दा आहे, त्यामुळे काँग्रेस सातत्याने भाजपवर निशाणा साधत आहे. गुजरातमध्ये आप, काँग्रेस आणि भाजपमध्ये तिरंगी लढत होऊ शकते.