Chandrayaan-3 Location: चांद्रयान-3 साठी आजचा दिवस मोठा आहे. विक्रम लँडरला मूळ यानापासून विलग करण्यात इस्रोला यश आले आहे. आता तो चंद्राच्या पृष्ठभागावर उतरेपर्यंत एकटाच प्रवास करणार आहे.

असे मानले जात आहे की, तो 23 ऑगस्ट रोजी चंद्राच्या पृष्ठभागावर उतरेल. इस्रोचे शास्त्रज्ञ टीव्ही वेंकटेशवन यांच्या मते, लँडरच्या आत एक रोव्हर आहे. आतापर्यंत लँडर विक्रम रोव्हर घेऊन जाणाऱ्या प्रोपल्शन मॉड्यूलने प्रवास करत होता.

दरम्यान, इस्रोच्या या पावलावरुन दोन गोष्टी स्पष्ट झाल्या आहेत. पहिली गोष्ट म्हणजे मॉड्युलच्या इंजिनाव्यतिरिक्त इतर गोष्टी व्यवस्थित काम करत आहेत. दुसरे म्हणजे, विक्रम लँडर 23 ऑगस्ट रोजी संध्याकाळी 5.25 वाजता चंद्राच्या पृष्ठभागावर उतरेल.

इस्रो (ISRO) सध्या जी काही प्रक्रिया अवलंबत आहे, ती चांद्रयान-2 च्या वेळी देखील स्वीकारली गेली होती. त्यानंतरही, प्रोपल्शन मॉड्यूलपासून वेगळे होऊन, लँडर चंद्रावर उतरण्यासाठी पुढे गेला. पण तो फक्त 2.1 किमी अंतरावर असताना, स्पीड कंट्रोल न झाल्याने क्रॅश लँडिंग झाले होते.

इस्रोने सोशल मीडिया (Social Media) प्लॅटफॉर्म 'X' वर लिहिले आहे की, यात्रेसाठी धन्यवाद...! लँडर मॉड्यूल प्रोपल्शन मॉड्यूलपासून यशस्वीरित्या वेगळे केले गेले आहे. उद्या, लँडर मॉड्यूल भारतीय वेळेनुसार दुपारी 4 वाजता डीबूस्टिंग करुन चंद्राच्या कक्षेत उतरण्याची शक्यता आहे.

दुसरीकडे, चांद्रयान-3 साठी सर्वात महत्वाची वेळ शेवटची 15 मिनिटे असेल. या कालावधीत, चांद्रयान चंद्राच्या 100x100 च्या कक्षेत येईल, तेव्हा लँडर प्रोपल्शन मॉड्यूलपासून वेगळा होता.

जेव्हा चांद्रयान-3 चंद्रापासून 30 किमी अंतरावर असेल, तेव्हा पुढचा थांबा येईल. त्यानंतर चंद्राच्या पृष्ठभागावर उतरण्याची प्रक्रिया सुरु होईल.

चांद्रयान-3 ने 14 जुलै रोजी प्रक्षेपण केल्यानंतर 5 ऑगस्ट रोजी चंद्राच्या कक्षेत प्रवेश केला. यानंतर, ते 6, 9 आणि 14 ऑगस्ट रोजी चंद्राच्या पुढील कक्षेत प्रवेश केला आणि त्याच्या जवळ येत राहिला.

मोहिमेची प्रगती होत असताना, इस्रोने चांद्रयान-3 ची कक्षा हळूहळू कमी करुन चंद्राच्या ध्रुव बिंदूंवर तैनात करण्याची प्रक्रिया पार पाडली.