Amit Shah  Dainik Gomantak
देश

Gujarat Election: गुजरातमध्ये भाजप सगळे रेकॉर्ड मोडणार, शहांनी वर्तवले भाकीत

Amit Shah: साणंद हा शहा यांच्या गांधीनगर लोकसभा मतदारसंघांतर्गत येतो.

दैनिक गोमन्तक

Gujarat Election: पुढील महिन्यात होणाऱ्या विधानसभा निवडणुकीत भारतीय जनता पक्ष (BJP) विजयी होईल, असा विश्वास केंद्रीय गृहमंत्री अमित शहा यांनी मंगळवारी व्यक्त केला. भाजप सर्व विक्रम मोडून गुजरातमध्ये बहुमताने सरकार स्थापन करेल, असा दावा शहांनी केला आहे. सध्या भाजपचे चाणक्य म्हटल्या जाणार्‍या शहांनी पंतप्रधान नरेंद्र मोदी आणि गुजरातचे मुख्यमंत्री भूपेंद्र पटेल यांचे कौतुक करत राज्याचे नशीब बदलल्याचे सांगितले.

दरम्यान, साणंद विधानसभा मतदारसंघातील भारतीय जनता पक्षाचे (BJP) उमेदवार कनुभाई पटेल हे उमेदवारी अर्ज दाखल करण्यासाठी निवडणूक अधिकाऱ्यांकडे गेले तेव्हा शहा त्यांच्यासोबत होते. पटेल हे कोळी समाजाचे असून ते साणंदचे विद्यमान आमदार आहेत. साणंद हा शहा यांच्या गांधीनगर लोकसभा मतदारसंघांतर्गत येतो.

शहा पुढे म्हणाले की, "भाजप या विधानसभा निवडणुकीत मागील सर्व विक्रम मोडेल. आत्तापर्यंतच्या सर्वाधिक जागा जिंकून आणि सर्वाधिक मताधिक्य मिळवून भाजप पुन्हा एकदा प्रचंड बहुमताने सरकार स्थापन करेल, असा आम्हा सर्वांना विश्वास आहे.''

शहा पुढे असेही म्हणाले की, "पंतप्रधान नरेंद्र मोदी (Prime Minister Narendra Modi) यांच्या नेतृत्वाखाली गुजरातचे मुख्यमंत्री भूपेंद्र पटेल यांनी राज्यात अनेक विकासकामे केली आहेत. कायदा आणि सुव्यवस्था बळकट झाली असून त्यांनी (मुख्यमंत्री पटेल) राज्याच्या अर्थव्यवस्थेलाही चालना दिली. आरोग्य, शिक्षण आणि विविध क्षेत्रांत सुधारणा केल्या आहेत. ओबीसींच्या सर्वांगीण विकासासाठी मोदींनी आपल्या मुख्यमंत्रीपदाच्या कार्यकाळात विकसित केलेले मॉडेल गुजरातचे मंत्री पुढे नेण्याचा प्रयत्न करत आहेत.''

दुसरीकडे, 182 सदस्यीय गुजरात (Gujarat) विधानसभेसाठी 1 आणि 5 डिसेंबरला दोन टप्प्यात मतदान होणार आहे. पहिल्या टप्प्यात 89 तर दुसऱ्या टप्प्यात साणंदसह 93 जागांवर मतदान होणार आहे. दुसऱ्या टप्प्यातील उमेदवारी अर्ज भरण्याची अंतिम तारीख 17 नोव्हेंबर आहे.

तसेच, भाजपने विद्यमान आमदार कनुभाई पटेल यांना पुन्हा उमेदवारी दिल्यानंतर, पक्षाचे स्थानिक नेते आणि सानंद कृषी उपज मंडी समितीचे (एपीएमसी) अध्यक्ष खेंगार पटेल, ज्यांना तिकीट मिळण्याची आशा होती, त्यांनी कनुभाई पटेल यांच्या विरोधात अपक्ष म्हणून निवडणूक लढवण्याची घोषणा केली.

तथापि, शहा यांची भेट घेतल्यानंतर, खेंगार पटेल यांनी निवडणूक लढवण्याची योजना सोडली आणि कनुभाई पटेल उमेदवारी अर्ज दाखल करण्यासाठी गेले तेव्हा त्यांच्यासोबत गेले.

"एपीएमसीचे अध्यक्ष खेंगारभाई यांनी यापूर्वी उमेदवारी अर्ज भरण्याची घोषणा केली असली तरी (लढण्यासाठी) त्यांनी भाजपच्या आवाहनाचा आदर केला याचा आम्हाला आनंद आहे," असेही शहा म्हणाले. गेल्या निवडणुकीपेक्षा ही जागा भाजप मोठ्या मताधिक्याने जिंकेल याची मला खात्री आहे, असेही शहा म्हणाले.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Fishing Boat Accident: काणकोणातील राजबाग किनाऱ्यावर पुन्हा बोट उलटली, स्थानिक मदतीसाठी धावले!

Viral Video: बिहारमधून दिसू लागला हिमालय आणि माऊंट एव्हरेस्ट; मनमोहक व्हिडिओ आला समोर Watch

Goa Politics: आमदार भाजपमध्ये जाणार नाहीत याची गॅरंटी द्या! ‘आप’चा काँग्रेससोबत युतीस स्पष्ट नकार

Shubhman Gill: "त्यांनी भारताला स्वबळावर अनेक सामने जिंकून दिले, आम्हाला त्यांची गरज..." नवा कर्णधार शुभमन गिलचे रोहित-विराटबाबत मोठं वक्तव्य

IND vs WI 2nd Test: टीम इंडियाला धक्का, दिल्ली कसोटीत जसप्रीत बुमराहच्या खेळण्यावर सस्पेन्स, 'या' खेळाडूला संधी मिळू शकते

SCROLL FOR NEXT