अबकारी धोरणावरून वादात सापडलेले दिल्लीचे उपमुख्यमंत्री मनीष सिसोदिया (Manish Sisodia) यांच्यासह 13 जणांना देशाबाहेर जाण्यवर बंदी घालण्यात आली आहे. तसेच सीबीआयने या सर्वांना लुक आऊट नोटीस जारी केली आहे. शुक्रवारी केंद्रीय अन्वेषण ब्युरोच्या पथकाने मनीष सिसोदिया यांच्या विविध ठिकाणांवर छापे टाकले आहेत. मिळालेल्या माहितीनुसार, सीबीआयने छापेमारीत कागदपत्रे आणि इलेक्ट्रॉनिक गॅझेट जप्त केले आहेत, त्या संबधात चौकशी सुरू आहे. चौकशीनंतर पुढील कारवाई देखील केली जाणार आहे. (13 people including Manish Sisodia barred from leaving the country CBI issues look out notice)

येथे सीबीआयच्या कारवाईनंतर मनीष सिसोदिया पंतप्रधान नरेंद्र मोदी यांच्यावर हल्लाबोल करत आहेत. त्यांनी ट्विट करून म्हटले की, "भाजप आणि सीबीआयच्या छाप्यांबाबत मोदीजींचे हे विधान तुम्ही जरूर ऐका. तुम्ही ऐकले नाही, तर तुम्हाला खूप मोठे सत्य जाणून घेण्यापासून वंचित राहावे लागणार आहे."

त्याचवेळी त्यांनी पीएम मोदींचा जुना व्हिडिओ शेअर करताना त्यांना टोमणा मारला. त्यांनी लिहिले की, "हळूहळू ऋतू बदलत राहतात, वाऱ्यांनाही तुमचा वेग पाहून आश्चर्य वाटते, सर." सिसोदिया यांच्या निकटवर्तीयाच्या कंपनीला कथितपणे 1 कोटी रुपये देण्यात आल्याचा दावा तपास यंत्रणांनी केला, तर सिसोदिया म्हणाले की त्यांनी काहीही चुकीचे केले नाही आणि सीबीआय तपास आणि छापे यांना घाबरत देखील नाही.