Whatsapp हे सर्वाधिक वापरले जाणारे सोशल मेसेजिंग अ‍ॅप आहे. सर्व काही फक्त Whatsappद्वारे केले जाते. मग ते ऑफिसचे काम असो किंवा ऑनलाइन क्लास. Whatsapp वेळोवेळी नवनवीन अपडेट्स आणि फीचर्स आणत असते. आता व्हॉट्सअ‍ॅप एक असे फीचर आणत आहे, ज्याची लोक आतुरतेने वाट पाहत आहेत. Whatsapp लवकरच एडिट बटण आणणार आहे. मेसेजिंग अ‍ॅप WhatsApp च्या बीटा व्हर्जनवरील एडिट बटणाची चाचणी करत होते. WhatsAppवर अद्याप एडिट बटण नाही. एकदा पाठवलेला मजकूर फक्त हटवला जाऊ शकतो, परंतु संपादित केला जाऊ शकत नाही. परंतु आगामी फीचरमुळे मजकूर पाठवल्यानंतर संपादन करणे शक्य होणार आहे. (whatsapp new feature user can get edit button soon let you edit messages even after sending them)

WhatsApp वर एडिट बटण उपलब्ध असेल

WhatsApp ट्रॅकिंग वेबसाइट Wabetainfo ने हे फिचर शोधले आहे. WhatsApp आता यूजर्संना मेसेज पाठवल्यानंतर एडिट करु देणार आहे. WhatsApp ने पाच वर्षांपूर्वी या फीचरवर काम करण्यास सुरुवात केली होती, परंतु ट्विटरवर (Twitter) त्याची तक्रार झाल्यानंतर लगेचच ते थांबवण्याच आले होते. अखेर, पाच वर्षांच्या विश्रांतीनंतर, WhatsApp ने पुन्हा एडिट फीचरवर काम करण्याचा विचार केला आहे.

Wabetainfo ने स्क्रीनशॉट शेअर केला आहे

Wabetainfo ने सध्या विकसित केलेल्या संपादन फिचरचा स्क्रीनशॉट शेअर केला आहे. तुम्ही पाठवलेला संदेश निवडता तेव्हा स्क्रीनशॉट एक समर्पित एडिट ऑप्शन दाखवतो. मेसेज कॉपी आणि फॉरवर्ड करण्याच्या पर्यायांसोबतच यूजर्सना एडिट ऑप्शन देखील मिळेल.

टाइप केलेले दुरुस्त करु शकतो

एडिट बटण निवडून, तुमचा संदेश पाठवल्यानंतरही तुम्ही कोणतीही टायपिंग किंवा चुका दुरुस्त करु शकता. वर्तमान सेटअप वापरकर्त्यांना (User) केवळ संदेश हटविण्याची परवानगी देते. तुम्ही ते एडिट करु शकत नाही.

चालू चाचणी

अँड्रॉइडसाठी WhatsApp बीटावर फीचरची चाचणी करत होते, परंतु अहवालात असे म्हटले आहे की, व्हाट्सएप iOS आणि डेस्कटॉपसाठी WhatsApp बीटामध्ये समान फिचर आणण्यासाठी काम करत आहे. त्याचबरोबर अधिक तपशील नंतर उपलब्ध होतील. तथापि, हे फिचर विकसित होत असल्याने, हे फिचर स्थिर अद्यतनासाठी केव्हा तयार होईल हे माहित नाही, परंतु WhatsApp लवकरच ते अधिक बीटा वापरकर्त्यांसाठी आणू शकते.