नवी दिल्ली : केंद्रीय अर्थमंत्री निर्मला सितारामन यांनी आज संसदेत अर्थसंकल्प सादर केला आहे. या अर्थसंकल्पात यंदा करदात्यांना कोणताही दिलासा मिळालेला नाही. केंद्र सरकारने टॅक्स स्लॅब जैसे थे ठेवल्याने नोकरदार आणि करदात्यांची काहीशी निराशा झाली आहे. मात्र केंद्र सरकारने शेतकऱ्यांसह सर्वसामांन्यांना काही गोष्टीमध्ये दिलासा दिला आहे. (Union Budget 2022: What gets cheaper and what's costlier)

अर्थसंकल्पानंतर (Budget) कोणत्या गोष्टी स्वस्त आणि कोणत्या महाग होणार याची सर्वांनाच उत्सुकता होती. निर्मला सितारामन यांनी अर्थसंकल्प मांडल्यानंतर आता हे चित्र स्पष्ट झालं आहे.

कोणत्या गोष्टी होणार स्वस्त?

कपडे

चामड्याचा वस्तू

इलेक्ट्रॉनिक्स वस्तू

मोबाईल फोन आणि चार्जर

हिऱ्याचे दागिने

शेतीची अवजारे

कॅमेरा लेन्स

इंधन

आयात केलेली रसायने

केंद्र सरकारने (Central Government ) अर्थसंकल्पात काही करांमध्ये वाढ केल्याने काही वस्तूंच्या किमतीही येत्या वर्षात वाढणार आहेत. केंद्र सरकारने डिजिटल चलन जारी करणार असल्याची घोषणा केली आहे. रिझर्व्ह बँक (RBI) येत्या वर्षात हे डिजिटल चलन जारी करणार आहे. मात्र क्रिप्टो करन्सीमधील गुंतवणूक महागणार आहे.

कोणत्या गोष्टी महागणार?

क्रिप्टो करन्सीमधील गुंतवणूक महागणार

छत्र्या महाग होणार

आयात करात वाढ, इम्पोर्टेड वस्तू महागणार