Indian Railways: वंदे भारत ट्रेनबाबत (Vande Bharat Train) मोठी बातमी समोर येत आहे. सेमी हायस्पीड ट्रेन वंदे भारतनेही बुलेट ट्रेनला वेगाच्या बाबतीत मागे टाकले आहे. केंद्रीय रेल्वे मंत्री अश्विनी वैष्णव यांनी याबाबत माहिती दिली आहे. एक व्हिडिओ शेअर करुन त्यांनी सांगितले की, वंदे भारतने वेगाच्या बाबतीत बुलेट ट्रेनला मागे टाकले आहे.

52 सेकंदात वेग पकडते

केंद्रीय मंत्र्यांनी दिलेल्या माहितीनुसार, भारताची ही सेमी-हाय स्पीड ट्रेन अवघ्या 52 सेकंदात 0 ते 100 किमीचा वेग पकडते. त्याच वेळी, जपानच्या (Japan) बुलेट ट्रेनबद्दल बोलायचे झाल्यास, हा वेग गाठण्यासाठी सुमारे 55 सेकंद लागतात. भारतात (India) बनलेली बुलेट ट्रेन ताशी 180 किलोमीटर वेगाने धावत आहे.

दिल्ली ते कटरा पर्यंतचे भाडे किती असेल?

सर्वात महत्त्वाची गोष्ट म्हणजे या ट्रेनचे भाडे. वास्तविक, दिल्ली (Delhi) ते कटरा चेअर कारचे भाडे 1630 रुपये आहे. यामध्ये मूळ भाडे 1120 रुपये, रिव्हर्जन चार्ज 40 रुपये, सुपरफास्ट चार्ज 45 रुपये आहे. याशिवाय 61 रुपये जीएसटी आणि 364 रुपये कॅटरिंग शुल्क भरावे लागतात.

EC क्लासचे भाडे काय असेल?

वंदे भारत एक्स्प्रेससाठी, प्रवाशांना दिल्ली ते कटरा या एक्झिक्युटिव्ह चेअर कारसाठी म्हणजेच EC क्लाससाठी 3015 रुपये मोजावे लागतील. ज्यामध्ये 2337 रुपये मूळ भाडे, 60 रुपये आरक्षण शुल्क, 75 रुपये सुपरफास्ट शुल्क आणि 124 रुपये जीएसटी आहे. खानपान शुल्क 419 रुपये आहे.