Free Ration Scheme: केंद्र आणि राज्य सरकारकडून देशभरात मोफत राशन आणि स्वस्त राशन दिले जाते, मात्र आता UIDAI ने देशातील करोडो लोकांना एक मोठी भेट दिली आहे. तुम्हीही मोफत राशनचा लाभ घेत असाल तर तुमच्यासाठी ही महत्त्वाची बातमी आहे. देशातील आधार जारी करणारी संस्था UIDAI ने सांगितले की, आता तुम्ही देशभरात आधारद्वारे राशन घेऊ शकता आणि यासाठी तुम्हाला अजिबात काळजी करण्याची गरज नाही. UIDAI ने ट्विट करुन याबाबत माहिती दिली आहे.

UIDAI ने ट्विट केले आहे

UIDAI ने आपल्या अधिकृत ट्विटमध्ये म्हटले की, 'आता तुम्ही आधारद्वारे संपूर्ण देशात कुठेही राशन घेऊ शकता, परंतु यासाठी तुमचे आधार अपडेट करणे आवश्यक आहे. वन नेशन वन आधार प्रोग्रामद्वारे तुम्ही आधार कार्डवरुन देशभरात राशन घेऊ शकता.'

जवळच्या आधार केंद्रावर संपर्क साधा

तुमचे आधार कार्ड अपडेट करण्यासाठी तुम्ही तुमच्या जवळच्या आधार केंद्राशी संपर्क साधू शकता. याशिवाय, अधिकृत वेबसाइट https://bhuvan.nrsc.gov.in/aadhaar/ द्वारे देखील आधार केंद्र शोधता येईल.

तुम्ही टोल फ्री क्रमांकावरही संपर्क साधू शकता

आजच्या काळात तुम्ही तुमच्या घरातील कामापासून ते बँकेपर्यंतची (Bank) सर्व कामे आधारद्वारे करता, त्यामुळे ते अपडेट ठेवणे अत्यंत आवश्यक आहे. तुम्हाला आधारशी संबंधित कोणत्याही प्रकारची समस्या असल्यास, तुम्ही टोल फ्री क्रमांक 1947 वर देखील संपर्क साधू शकता. इथे तुम्हाला आधारशी संबंधित सर्व माहिती मिळेल.