ऑनलाइन घोटाळे खूप वेगाने वाढत आहेत. रिलायन्स जिओनेही आता आपल्या ग्राहकांना याबाबत सावध केले आहे. ई-केवायसी घोटाळा टाळण्यासाठी कंपनीने काही टिप्सही दिल्या आहेत. यापूर्वी एअरटेल आणि व्होडाफोननेही या वर्षाच्या सुरुवातीला त्यांच्या ग्राहकांना सावध केले होते.

ई-केवायसी व्हेरिफिकेशनच्या नावावर होणारी फसवणूक टाळा अस रिलायन्स जिओने (jio) म्हटले आहे. ई-केवायसी व्हेरिफिकेशनच्या नावाने येणाऱ्या कॉल्स किंवा मेसेजला प्रतिसाद देऊ नका. यामध्ये फसवणूक करणारे युजर्सला केवायसी व्हेरिफिकेशनच्या नावाने कोणत्याही नंबरवर कॉल करण्यास सांगतात. अशा फ्रॉड कॉल्सबाबत वापरकर्त्यांनी सावधगिरी बाळगणे आवश्यक आहे.

केवायसी अपडेटसाठी अॅप डाउनलोड करू नका केवायसी अपडेटसाठी तुमच्या फोनवर किंवा पीसीवर कोणतेही अॅप डाउनलोड करू नका.

आवश्यक तपशील शेअर करू नका कंपनी आणि सायबर (Cyber) तज्ञांच्या मते, ग्राहकांना आधार क्रमांक, ओटीपी, बँक (bank) खाते क्रमांक यासारखे आवश्यक तपशील कोणालाही देण्याची गरज नाही. जिओची (goa) बनावट ग्राहक सेवा बनून ते ग्राहकांकडून आवश्यक तपशील मागतात, असे म्हटले आहे. फसवणूक टाळण्यासाठी हे कोणाशीही शेअर करू नका.

ई-केवायसी पूर्ण न झाल्यास सीम बंद केले जाईल, असे सांगितले जाते. मात्र ग्राहकांनी घोटाळेबाजांच्या फंदात पडू नये.

मेसेजमध्ये आढळलेल्या अनोळखी लिंकवर क्लिक करू नका, जिओने म्हटले आहे की, ज्या मेसेजमध्ये ई-केवायसीबद्दल बोलले जात आहे त्या मेसेजमधील लिंकवर ग्राहकांनी क्लिक करू नये. ग्राहकांनी इतर अज्ञात लिंकवर क्लिक करणे देखील टाळावे. कंपनीने सांगितले की ते ग्राहकांना My Jio अॅप व्यतिरिक्त कोणतेही थर्ड पार्टी अॅप डाउनलोड करण्यास सांगणार नाही.