मोटोरोला एज २०२५ बाजरात लॉन्च झाला आहे. मोटोरोलाचा हा फ्लॅगशिप फोन एआय फीचर्सने सुसज्ज आहे. कंपनीने त्यात मीडियाटेक डायमेन्सिटी ७४०० प्रोसेसर वापरला आहे. त्याचा लूक आणि डिझाइन गेल्या वर्षी लाँच झालेल्या मॉडेलसारखेच आहे. त्यात थोडा बदल करण्यात आला आहे. याशिवाय, हा मोटोरोला फोन चांगल्या हार्डवेअर आणि एआय फीचर्ससह येतो.

मोटोरोला एज २०२५ अमेरिकन बाजारात लाँच करण्यात आला आहे. हा फोन एकाच स्टोरेज व्हेरिएंटमध्ये सादर करण्यात आला आहे. ८ जीबी रॅम + २५६ जीबी. फोनची किंमत $५४९ म्हणजे सुमारे ४७,००० रुपये आहे. हा फोन पुढील महिन्यात ५ जूनपासून विक्रीसाठी उपलब्ध होईल. मोटोरोलाचा हा प्रीमियम फोन सिंगल डीप फॉरेस्ट कलरमध्ये येतो.

हा मोटोरोला फोन ६.७-इंचाचा सुपर एचडी पोलएड डिस्प्लेसह येतो. फोन डिस्प्ले १२० हर्ट्झ हाय रिफ्रेश रेटला सपोर्ट करतो. या फोनच्या डिस्प्लेला कॉर्निंग गोरिल्ला ग्लास ७आय चे संरक्षण आहे.

फोनचा डिस्प्ले ४,५०० निट्स पर्यंतच्या पीक ब्राइटनेसला सपोर्ट करतो. हा फोन मीडियाटेक डायमेन्सिटी ७४०० प्रोसेसरसह येतो, ज्यामध्ये ८ जीबी रॅम आणि २५६ जीबी पर्यंत इंटरनल स्टोरेजचा सपोर्ट मिळेल.

मोटोरोलाच्या या फोनच्या मागील बाजूस ट्रिपल कॅमेरा सेटअप उपलब्ध आहे. फोनमध्ये ५० एमपीचा मुख्य कॅमेरा आहे. यासह, ५० एमपीचा सेकंडरी अल्ट्रा वाइड कॅमेरा उपलब्ध असेल. यात तिसरा १० एमपीचा टेलिफोटो कॅमेरा आहे.

या मोटोरोला फोनमध्ये सेल्फी आणि व्हिडिओ कॉलिंगसाठी ५० एमपीचा कॅमेरा आहे. हा अँड्रॉइड १५ ऑपरेटिंग सिस्टमवर काम करतो. या फोनमध्ये ५२०० एमएएच बॅटरी आहे, ज्यामध्ये ६८ वॅट फास्ट चार्जिंग फीचर उपलब्ध आहे.

मोटोरोला लवकरच G56 5G स्मार्टफोन लाँच करणार आहे. हा फोन २९ मे रोजी जागतिक स्तरावर लाँच केला जाईल. या फोनमध्ये ५० एमपीचा मुख्य कॅमेरा आणि मागील बाजूस ३२ एमपीचा सेल्फी कॅमेरा असेल. मोटोरोला या फोनमध्ये मीडियाटेक प्रोसेसर देखील वापरणार आहे.