Maruti Suzuki, Mahindra & Mahindra, Audi India, Hyundai Cars India and MG Motors are all set to increase the prices of their four-wheelers in 2024:

जर तुम्ही नवीन वर्षात म्हणजे 2024 मध्ये कार खरेदी करण्याचा विचार करत असाल तर तुम्हाला आता अधिकचे पैसे खर्च करावे लागणार आहेत. कारण अनेक कार कंपन्यांकडून नवीन वर्षात किमती वाढण्याची शक्यता आहे.

मारुती सुझुकी, महिंद्रा अँड महिंद्रा, ऑडी इंडिया, ह्युंदाई कार्स इंडिया आणि एमजी मोटर्स यांसारख्या प्रमुख वाहन निर्माते 2024 मध्ये त्यांच्या चारचाकी वाहनांच्या किमती वाढवण्याच्या तयारीत आहेत.

टाटा मोटर्स

टाटा मोटर्स जानेवारी 2024 मध्ये प्रवासी वाहने आणि इलेक्ट्रिक वाहनांच्या किमती वाढविण्याचा विचार करत आहे. 2024 मध्ये ते किमती किती वाढवतील हे प्रमुख वाहन उत्पादकांनी उघड केलेले नाही.

कंपनीच्या प्रवक्त्यांनी नोव्हेंबरमध्ये सांगितले होते, 'आम्ही जानेवारी 2024 मध्ये आमच्या प्रवासी आणि इलेक्ट्रिक वाहनांच्या किमती वाढविण्याचा विचार करत आहोत. वाढीची व्याप्ती आणि नेमका तपशील काही आठवड्यांत जाहीर केला जाईल.

मारुती सुझुकी

मारुती सुझुकी इंडियाने या वर्षी एप्रिलमध्ये आपल्या वाहनांच्या किमती ०.८% ने वाढवल्या होत्या. गेल्या आर्थिक वर्षात कंपनीने वाहनांच्या किमती एकूण 2.4% ने वाढवल्या होत्या.

मारुती सुझुकीचे वरिष्ठ कार्यकारी संचालक शशांक श्रीवास्तव यांनी मिंटला एका मुलाखतीत सांगितले होते की, 'गेल्या ३-४ महिन्यांत स्टीलच्या किमतीत किंचित वाढ झाली आहे, जी आमच्या एकूण कमोडिटी खरेदीच्या ३८% आहे.

आमच्‍या खर्चावर कमोडिटी चढ-उतारांचा परिणाम होण्‍याचा आम्‍ही अंदाज लावत आहोत. आम्ही प्रथम अंतर्गत खर्च कमी करण्याचा प्रयत्न करतो आणि नंतर शेवटचा उपाय म्हणून गाड्यांच्या किमती वाढवतो.

महिंद्रा अँड महिंद्रा

महिंद्रा अँड महिंद्रा 2024 मध्ये त्यांच्या चारचाकी वाहनांच्या किमती वाढवण्याचा विचार करत आहे. मात्र, दरवाढीबाबत नेमका तपशील समोर आलेला नाही. महागाईमुळे हा खर्च वाढल्याचे कंपनीचे म्हणणे आहे.

ऑडी इंडिया

जर्मन लक्झरी कार निर्माता ऑडीने याआधी सांगितले होते की, वाढत्या इनपुट आणि ऑपरेटिंग खर्चामुळे पुढील वर्षी जानेवारीपासून भारतात त्यांच्या वाहनांच्या किमती 2% ने वाढतील.

ऑडी इंडियाने सांगितले होते की, किंमत वाढ 1 जानेवारी 2024 पासून लागू होईल आणि ही सर्व मॉडेल श्रेणीमध्ये लागू असेल.