उद्योगपती आनंद महिंद्रा यांनी एक ट्विट केले आहे, ज्यामध्ये एक माणूस भंगार साहित्यापासून बनवलेली चारचाकी (मॉडिफाईड जीप) चालवत आहे. त्या व्यक्तीचे टॅलेंट पाहून सगळेच आश्चर्यचकित होतात. खुद्द आनंद महिंद्रा यांनी या व्यक्तीचे कौतुक केले आहे. हिस्टोरिकानो या यूट्यूब चॅनलनुसार, जंक मटेरिअलपासून मॉडिफाईड जीप बनवणारा माणूस हा महाराष्ट्रातील असून दत्तात्रेय लोहार असे त्याचे नाव आहे. ह्या व्यक्तीचे शिक्षण कमी असूनही आपल्या मुलाची इच्छा पूर्ण करण्यासाठी 60 हजार रुपये खर्च करून हे अनोखे वाहन बनवले. जेव्हा आनंद महिंद्रा यांनी हा व्हिडिओ शेअर केला आहे, तेव्हापासून तो मोठ्या प्रमाणात व्हायरल होत आहे.

महिंद्राने शेअर केलेल्या 45 सेकंदांच्या क्लिपमध्ये दत्तात्रेय लोहार हे चारचाकी वाहन कसे चालवतात हे दाखवत आहेत. व्हिडिओ शेअर करताना आनंद महिंद्रा यांनी लिहिले- 'हे कोणत्याही नियमाशी जुळत नसले तरी, त्यांच्या कल्पकतेची आणि 'इच्छाशक्तीची ' प्रशंसा करणे कधीही सोडणार नाही.

महिंद्राने बोलेरो देण्याची ऑफर दिली

आनंद महिंद्रा (anand-mahindra) म्हणतात की - 'उद्या किंवा नंतर स्थानिक अधिकारी त्या व्यक्तीला वाहन चालवण्यापासून रोखतील कारण ते नियमांचे उल्लंघन करणारे वाहन आहे. या वाहनाच्या बदल्यात मी त्यांना वैयक्तिकरित्या बोलेरो देऊ करेन. असा उल्लेख देखील त्यांनी यात केला आहे.