इलेक्ट्रिक वाहनांची क्रेझ सातत्याने वाढताना दिसत आहे. टाटा नेहमीच परवडणारी वाहने नागरिकांना देण्याचा प्रयत्न करत असते. नुकतेच टाटाने इलेक्ट्रिक टियागो लाँच करून देशातील ईव्ही क्षेत्रात खळबळ निर्माण केली आहे. महिंद्रा देखील मागील काही दिवसांपासून इलेक्ट्रिक क्षेत्रात पाय रोवण्याचा प्रयत्न करत आहे. महिंद्राची 4 सीटर अ‍ॅटम इलेक्ट्रिकची सध्या खूप चर्चा होत आहे. कंपनीकडून अॅटम ईव्हीची चाचणी घेतली जात आहे.

महिंद्राची 4 सीटर अ‍ॅटम इलेक्ट्रिकच्या फिचर्सची माहिती समोर आली आहे. महिंद्रा अल्ट्रा-कॉम्पॅक्ट अ‍ॅटम इलेक्ट्रिक कार लवकरच लॉन्च करू शकते. अॅटम इलेक्ट्रिक कार दोन बॅटरी पॅक आणि चार विविध प्रकारांसह लॉन्च केली जाण्याची शक्यता आहे. यामध्ये K-1, K-2, K-3 आणि K4 असे मॉडेलचे प्रकार असू शकतात. महिंद्रा अॅटम K-1 आणि K-2 प्रकारांना 7.4 kW चा 144 AH बॅटरी पॅक वापरला जाऊ शकतो तर K-3 आणि K-4 प्रकारांमध्ये 11.1 kW चा 216 AH बॅटरी पॅक वापरला जाऊ शकतो.

महिंद्रा अॅटमचे K1 आणि K2 मॉडेल एका चार्जवर 80 किमीची अंतर कापू शकतात, तर K3 आणि K4 मॉडेल 100 किमीसाठी डिझाइन केले जात आहेत. महिंद्राच्या Atom EV ची नवीन ग्रिल, हेडलॅम्प, मोठी विंडस्क्रीन आणि खिडक्या अशी रचना असेल. अ‍ॅटममधील फ्युचरिस्टिक लुकसाठी चाके, बॉक्सी डिझाइन आणि ब्लॅक-आउट पिलर दिले जाऊ शकतात. महिंद्रा अॅटम भारतात 3 लाखांच्या रेंजपर्यंत उपलब्ध होईल.