दिवाळीचा सण शेअर बाजाराच्या (Share Market) दृष्टिकोणातून खूप महत्त्वाचा आहे. दिवाळीच्या दिवसात गुंतवणूक करणे शुभ मानले असते. घर आणि व्यवसायातही समृद्धी वाढते अशी आपल्याकडे मान्यता आहे. या दिवसात शेअर बाजार बंद असला तरी सायंकाळी एक तासासाठी शेअर बाजार खरेदी-विक्रीसाठी खुला असतो. यालाच मुहूर्त ट्रेडिंग (Diwali Muhurat Trading) असे म्हणतात.
अनेक दिवसांपासून ही परंपरा सुरू आहे. त्याच पार्श्वभूमीवर यावेळी 24 ऑक्टोबर रोजी मुहूर्त ट्रेडिंग असणार आहे. यात तुम्ही शेअर्स खरेदी आणि विक्री करू शकता.
मुहूर्त ट्रेडिंग म्हणजे काय?
शेअर बाजारात दिवाळीच्या दिवशी एक तास मुहूर्त ट्रेडिंग करण्याची परंपरा पाच दशकांहून अधिक जुनी आहे. मुहूर्त ट्रेडिंग दरम्यान, एका तासात गुंतवणूकदार छोटी गुंतवणूक करून परंपरेचे पालन करतात. इक्विटी, इक्विटी फ्युचर्स आणि ऑप्शन्स, चलन आणि कमोडिटी मार्केट या तिन्हींमध्ये हे ट्रेडिंग होते. यावेळी दिवाळी 24 ऑक्टोबर 2022 रोजी येत आहे.
या दिवशी बाजारात 6.15 ते 7.15 या वेळेत मुहूर्त ट्रेडिंग करण्यात येते. संध्याकाळी 06 ते 6.10 पर्यंत प्री-ओपन ट्रेडिंग सत्र असेल.
दिवाळीच्या दिवशी घराघरात लक्ष्मीची पूजा केली जाते. देवी लक्ष्मी ही हिंदू धर्मातील संपत्ती आणि समृद्धीची देवी आहे. या दिवशी आर्थिक व्यवहार करणे शुभ मानले जाते. या कारणास्तव, भारतीय शेअर बाजारातील मुहूर्त ट्रेडिंगला महत्व आहे. मुहूर्त ट्रेडिंग बॉम्बे स्टॉक एक्स्चेंजमध्ये 1957 मध्ये सुरू झाले, त्यानंतर देशातील जवळपास सर्वच एक्सचेंजेसने ही परंपरा स्वीकारली. नंतर एनएसई आल्यानंतर 1992 नंतरही मुहूर्त ट्रेडिंगची परंपरा चालू राहिली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
