Income Tax Return: आर्थिक वर्ष 2022-23 साठी आयकर रिटर्न भरण्याची अंतिम तारीख 31 जुलै 2023 आहे. तुम्हालाही दंड टाळायचा असेल, तर तुम्ही तुमचा आयटीआर वेळेवर भरला पाहिजे. आयकर विभागाच्या अधिकृत वेबसाइटवर तुम्ही तुमचे विवरणपत्र दाखल करु शकता.
मात्र, गेल्या वर्षीच्या तुलनेत यावेळी विभागाकडून काही बदल करण्यात आले आहेत. अशा परिस्थितीत जर तुम्ही तुमचा ITR भरत असाल तर तुम्हाला त्याच्याबद्दल माहिती असायला हवी. चला तर मग आयटीआर फॉर्मशी संबंधित बदलांबद्दल एक नजर टाकूया.
आयकर कायद्यात 1 एप्रिल 2022 पासून व्हर्च्युअल डिजिटल मालमत्तेतून मिळणाऱ्या उत्पन्नावर कर लावण्याची तरतूद आहे. क्रिप्टोकरन्सीशी (Cryptocurrency) संबंधित व्यवहारांवर कलम 194S अंतर्गत TDS लावला जाईल. VDA मधील उत्पन्नासाठी ITR फॉर्म सुधारित करण्यात आला आहे.
करदात्यांना त्यांच्या VDA मधून मिळणाऱ्या उत्पन्नाची माहिती द्यावी लागेल. यामध्ये खरेदीची तारीख, हस्तांतरणाची तारीख, किंमत आणि विक्रीची रक्कम समाविष्ट आहे.
दरम्यान, 2022-23 या आर्थिक वर्षात देणगी देणारी व्यक्ती कलम 80G अंतर्गत वजावटीसाठी पात्र आहे. या वेळेपासून, देणगीदाराला आयटीआर (ITR) फॉर्ममध्ये देणगीचा एआरएन क्रमांक द्यावा लागेल. हे देणग्यांसाठी लागू आहे, जिथे 50% कपातीची परवानगी आहे.
करदाते त्यांच्या देय प्राप्तिकराच्या अगेस्ट सोर्सवर कर संकलना (TCS) चा दावा करु शकतात. याशिवाय, जर एखाद्या करदात्याने कलम 89A अंतर्गत सवलतीचा दावा केला असेल आणि नंतर तो त्या ठिकाणचा रहिवासी राहत नाही, तेव्हा त्या सवलतीतून मिळणाऱ्या करपात्र उत्पन्नाचा तपशील ITR फॉर्ममध्ये द्यावा लागेल.
FY 2022-23 साठी ITR फॉर्म्संना पूर्वीपेक्षा जास्त माहिती आवश्यक असेल, जसे की ITR-3 साठी बॅलन्स शीटची माहिती आणि SEBI कडे परदेशी संस्थात्मक गुंतवणूकदार (FIIs) म्हणून नोंदणी केलेल्या करदात्यांच्या नोंदणी क्रमांकाची.
ITR फॉर्ममध्ये नव्याने सादर करण्यात आलेल्या 'ट्रेडिंग अकाउंट' सेक्शनमध्ये आणि इंट्राडे ट्रेडिंगमधून मिळणाऱ्या उत्पन्नाचा अहवाल आवश्यक असेल. यावेळी आयटीआर भरण्यापूर्वी तुम्हाला वरील सर्व गोष्टींची माहिती असणे आवश्यक आहे. यापैकी काही तुमच्यासाठी उपयुक्त असेल तर आयटीआर भरताना ते लक्षात ठेवा.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.